ஹாட்ரிக் வெற்றிக்கு பிளான் பண்ணும் சிவகார்த்திக்கேயன்- பொன்ராம் கூட்டணி

வருத்தப்படாத வாலிபர் சங்கம்...

அதிலும் குறிப்பாக இயக்குநர் பொன்ராம் இயக்கத்தில் சிவகார்த்திக்கேயன் நடித்த வருத்தப்படாத வாலிபர் சங்கம் மற்றும் ரஜினி முருகன் என இரண்டு படங்களுமே நல்ல வசூலைத் தந்தன.

ரெமோ...

இந்நிலையில் தற்போது பாக்யராஜ் கண்ணன் இயக்கத்தில் ரெமோ என்ற படத்தில் நடித்து வருகிறார் சிவகார்த்திக்கேயன். இதில் மூன்று வித்தியாசமான கேரக்டர்களில் அவர் நடிக்கிறார். ரெமோவைத் தொடர்ந்து மோகன்ராஜா இயக்கும் புதிய படத்தில் அவர் நடிக்க இருக்கிறார்.

மீண்டும் வெற்றிக் கூட்டணி...

அந்தப் படத்தை அடுத்து மீண்டும் பொன்ராம் இயக்கத்தில் புதிய படமொன்றில் சிவகார்த்திக்கேயன் நடிக்க இருப்பதாக தகவல்கள் வெளியாகியுள்ளது. இந்தப் படமும் நகைச்சுவை கலாட்டா கதையாக உருவாக இருப்பதாக தெரிகிறது.

லாரன்ஸ்...

முன்னதாக ரஜினிமுருகன் வெற்றியைத் தொடர்ந்து இயக்குநர் பொன்ராம், நடிகர் லாரன்ஸை சந்தித்ததாக கூறப்பட்டது. இதனால், அவரது புதிய படத்தில் லாரன்ஸ் நாயகனாக நடிப்பார் எனத் தகவல்கள் வெளியானது.

ஹாட்ரிக் வெற்றி...

ஆனால், தற்போது லாரன்ஸ் அவரது படத்தில் நடிக்கவில்லை என நம்பத் தகுந்த தகவல்கள் கூறுகின்றன. இதனால், ஹாட்ரிக் வெற்றிக்கு தயாராகி வருகிறது சிவகார்த்திக்கேயன், பொன்ராம் கூட்டணி எனலாம்.