எஸ்கே 20 படத்திற்கு இப்படி ஒரு அப்டேட்டா... செம த்ரில்லிங்கா இருக்கே

எஸ்கே 20 ஷுட்டிங்

எஸ்கே 20 படத்தின் ஷுட்டிங் பிப்ரவரி மாதம் காரைக்குடியில் சிறப்பு பூஜையுடன் துவங்கப்பட்டது. இதன் போட்டோக்கள் இணையத்தில் வெளியாகி செம வைரலானது. இந்த படத்தில் சிவகார்த்திகேயனுக்கு ஜோடியாக உக்ரைன் நடிகை மரியா ரொபோஷாப்கா நடிக்கிறார். இவர்களுடன் சத்யராஜ், பிரேம்ஜி அமரன், நவீன் பாலிஷெட்டி உள்ளிட்டோர் நடிக்கிறார்கள். இந்த படத்திற்கு தமன் இசையமைக்கிறார்.

யாருக்கு என்ன ரோல்

இந்த படத்தில் சிவகார்த்திகேயன் தமிழ் மற்றும் தெலுங்கு கற்றுக் கொடுக்கும் ஆசிரியராகவும், மரியா ஆங்கிலம் கற்றுக் கொடுக்கும் ஆசிரிகையாகவும் நடிக்கிறார்கள். ரொமான்டிக் காமெடி படமாக உருவாக்கப்பட்டு வரும் இந்த படத்தில் பிரேம்ஜி வில்லன் ரோலில் நடிப்பதாக சமீபத்தில் தகவல்கள் வெளியாகின. இந்நிலையில் படத்தின் முக்கிய அப்டேட் ஒன்று தற்போது வெளியாகி உள்ளது.

செம அப்டேட்டா இருக்கே

லேட்டஸ்ட் தகவலின் படி, எஸ்கே 20 படத்தில் ஒரு பாடல் மட்டும் தான் மீதம் உள்ளதாம். மற்ற அனைத்து பகுதிகளையும் படமாக்கி முடித்து விட்டார்களாம். படத்தின் ஒட்டுமொத்த ஷுட்டிங்கையும் இந்த மாத இறுதிக்குள் முடித்து விடுவார்கள் என எதிர்பார்க்கப்படுகிறது. படத்தை முடித்த பிறகு தொடர்ந்து அடுத்தடுத்த அப்டேட்களை வெளியிட படக்குழு திட்டமிட்டுள்ளதாம்.

Recommended Video

M.K Stalin , Simbu, Sivakarthikeyan wishes | Anbu Chezhiyan Daughter Marriage | Filmibeat Tamil

அடுத்த அப்டேட் எப்போ

சிவகார்த்திகேயனின் டான், அயலான், எஸ்கே 20 என வரிசையாக 3 படங்கள் இந்த ஆண்டில் ரிலீஸ் செய்யப்பட உள்ளது. டான் படம் மே 13 ம் தேதி ரிலீஸ் செய்யப்பட உள்ளதாக அறிவிக்கப்பட்டு, அதற்கான வேலைகள் தீவிரமாக நடைபெற்று வருகிறது. அயலான் படம் டிசம்பர் மாதத்திற்கு தள்ளி வைக்கப்பட்டுள்ளது. கிறிஸ்துமஸ் பண்டிகையை முன்னிட்டு இந்த படம் ரிலீஸ் செய்யப்பட உள்ளது. அதனால் விரைவில் எஸ்கே 20 டைட்டில் மற்றும் ரிலீஸ் தேதியும் அறிவிக்கப்படலாம் என எதிர்பார்க்கப்படுகிறது.