ஒன்னு கூடிட்டாங்க.. என்ன பிளான் பாஸூ? வைரலாகும் ரகுமான், ஷங்கர், விக்ரம் மகன்கள் போட்டோஸ்!

ஆதித்யா வர்மா

நடிகர் விக்ரம் மகன் துருவ், ஆதித்யா வர்மா படம் மூலம் ஹீரோவாக அறிமுகமானார். இது தெலுங்கில் ஹிட்டான அர்ஜுன் ரெட்டி படத்தின் ரீமேக். இந்தப் படம் எதிர்பார்த்த வெற்றியை பெறவில்லை என்றாலும் துருவின் நடிப்பு பாராட்டப்பட்டது. இதையடுத்து சில படங்களில் நடிக்க கமிட் ஆகி இருக்கிறார்.

இசையில் கவனம்

அதில் ஒன்று கார்த்திக் சுப்புராஜ் இயக்கத்தில் விக்ரமுடன் நடிக்கும் படம். அடுத்து மாரி செல்வராஜ் இயக்கும் படத்தில் நடிக்க இருக்கிறார் என்று கூறப்படுகிறது. இசை அமைப்பாளர் ஏ.ஆர்.ரகுமான் மகன் ஏ.ஆர்.அமீன் சில பாடல்களை பாடியிருக்கிறார். அவர், இசையில் கவனம் செலுத்தி வருகிறார்.

ஷங்கர் மகன் அர்ஜித்

பிரபல இயக்குனர் ஷங்கரின் மகன் அர்ஜித். ஏ.ஆர்.ரகுமான், விக்ரம் மகன்களை பார்த்திருக்கும் ரசிகர்கள், ஷங்கர் மகனை பார்த்திருக்க வாய்ப்பில்லை. இந்நிலையில் சினிமாவில் கொண்டாடப்படும் பிரபலங்களான ஷங்கர், ஏ.ஆர்.ரகுமான், விக்ரம் ஆகியோர் மகன்கள் ஒன்றாக அமர்ந்திருக்கும் புகைப்படம் சோசியல் மீடியாவில் வைரலாகி வருகிறது.

எங்கு எடுக்கப்பட்டது

ஷங்கர் மகன் அர்ஜித், ஏ.ஆ.ரகுமான் மகன் அமீன், விக்ரம் மகன் துருவ் ஆகியோர் ஒன்றாக அமர்ந்திருக்கும் இந்த புகைப்படம் எங்கு எடுக்கப்பட்டது என்று தெரியவில்லை. இவர்கள் படத்தில் ஏதும் இணைய போகிறார்களா என ரசிகர்கள் கேட்டு வருகின்றனர். ஷங்கர் இப்போது கமல்ஹாசன் நடிக்கும் இந்தியன் 2 படத்தை இயக்கி வருகிறார். ஏ.ஆர்.ரகுமான், பொன்னியின் செல்வன், கோப்ரா உட்பட சில படங்களுக்கு இசை அமைத்து வருகிறார்.