ஆர்ஜே பாலாஜிக்கு ஜோடியாகும் அபர்ணா பாலமுரளி… விரைவில் படப்பிடிப்பு !

கவனத்தை ஈர்த்தார்

ஆர் ஜே வாக இருந்த ஆர்ஜே பாலாஜி தமிழ் சினிமாக்களை பங்கமாக கலாய்த்து விமர்சனங்கள் செய்தவர். அதன் பின்னர் அவரே தமிழ் சினிமாவில் நகைச்சுவை நடிகராக அறிமுகமாகி அனைவரின் கவனத்தை ஈர்த்தார்.

இயக்குனராக

இதையடுத்து, எல்கேஜி திரைப்படத்தில் கதாநாயகனாக நடித்து இருந்தார். நயன்தாராவை வைத்து மூக்குத்தி அம்மன் திரைப்படத்தை இயக்கினார். இந்த திரைப்படத்தின் வெற்றியைத் தொடர்ந்து பல திரைப்படங்களில் கதாநாயகனாக நடிக்க ஒப்பந்தமாகி உள்ளார்.

தமிழில் ரீமேக்

இந்தியில் மிகப்பெரிய வெற்றி பெற்ற 'badhaai ho' படத்தை தமிழில் ரீமேக் செய்வதற்கான வேலைகள் சுறுசுறுப்புடன் நடந்து வருகிறது. இதில் ஆயூஷ்மான் நடித்த கேரக்டரில் ஆர்.ஜே.பாலாஜி நடிக்க உள்ளார். இந்த அறிவிப்பு கடந்த மாதம் வெளியானது.

ஆர்ஜே பாலாஜிக்கு ஜோடி

இந்நிலையில் சூரரைப்போற்று படத்தில் நடித்த அபர்ணா பாலமுரளி இப்படத்தில் ஆர்ஜே பாலாஜிக்கு ஜோடியாக நடிக்க இருப்பதாக கூறப்படுகிறது. மேலும் சத்யராஜ் அப்பா வேடத்திலும, ஊர்வசி அம்மா வேடத்தில் நடிக்க ஒப்பந்தமாகி உள்ளனர். இப்படத்தின் படப்பிடிப்பு பொள்ளாச்சியில் தொடங்க உள்ளது. இப்படத்தை போனி கபூர் தயாரிக்க உள்ளார்.