என்னது...ஜுலை 8 ல் பொன்னியின் செல்வன் டீசர் ரிலீசா...தீயாய் பரவும் தகவல்

டீசருக்காக காத்திருக்கும் ரசிகர்கள்

பொன்னியின் செல்வன் முதல் பாகத்தின் டீசர் எப்போது வெளியிடப்படும் என ரசிகர்கள் பல மாதங்களாக காத்திருக்கிறார்கள். ஆனால் இதுவரை டீசர் ரிலீஸ் பற்றி எந்த தகவலையும் படக்குழு வெளியிடவில்லை. ஆனால் தஞ்சையில் நடத்த திட்டமிடப்பட்டிருந்த டீசர் வெளியீட்டு விழா பிளான் கைவிடப்பட்டதாக கடந்த சில நாட்களாக தகவல் பரவி வருகிறது.

சென்னையில் டீசர் ரிலீசா

நிஜமாகவே படக்குழு தஞ்சையில் தான் டீசரை வெளியிட திட்டமிட்டதா என தெரியாது. ஆனால் தஞ்சை கோயில் சென்டிமென்ட் காரணமாக பலரும் பட விழாவில் பங்கேற்க தயங்கியதால் சென்னை நேரு ஸ்டேடியத்தில் டீசர் வெளியீட்டை நடத்த படக்குழு ஏற்பாடு செய்து வருவதாகவும், இந்த விழாவில் ரஜினி, கமல் உள்ளிட்டோரும் பங்கேற்க உள்ளதாகவும் தகவல் வெளியானது.

போஸ்டர் வெளியிடும் படக்குழு

ரசிகர்கள் டீசரை எதிர்பார்த்துக் கொண்டிருக்கையில் படத்தின் ப்ரொமோஷனாக, முக்கிய கேரக்டர்களின் போஸ்டர்களை படக்குழு வெளியிட்டு வருகிறது. முதல் நாளில் ஆதித்ய கரிகாலன் ரோலில் நடிக்கும் விக்ரமின் போஸ்டர், இரண்டாம் நாளில் வந்தியத் தேவன் ரோலில் நடிக்கும் கார்த்தியின் போஸ்டர் ஆகியன வெளியிடப்பட்டன.இதைத் தொடர்ந்து இன்று, நந்தினி கேரக்டரில் நடிக்கும் ஐஸ்வர்யா ராயின் போஸ்வரை வெளியிட்டுள்ளனர்.

நாளைக்கு யாருடைய போஸ்டர்

அடுத்து யாருடைய போஸ்டரை வெளியிட போகிறார்கள். அருள்மொழி வர்மனின் போஸ்டரை தான் நாளை வெளியிட போகிறார்கள் என ரசிகர்கள் தீவிர ஆலோசனையில் ஈடுபட்டு வருகின்றனர். இந்நிலையில் படத்தின் டீசர் ரிலீஸ் பற்றிய புதிய தகவல் ஒன்று வெளியாகி அனைவரையும் அசர வைத்துள்ளது.

Recommended Video

Ponniyin Selvan | பின் வாங்குற பேச்சுக்கே இடமில்லை *Kollywood | Filmibeat Tamil

ஜுலை 8 ல் டீசர் ரிலீசா

லேட்டஸ்ட் தகவலின் படி ஜுலை 8 ம் தேதி சென்னையில் பொன்னியின் செல்வன் படத்தின் முதல் டீசர் வெளியிடப்பட உள்ளதாம். இதில் படத்தில் யாரெல்லாம் எந்த கேரக்டரில் நடிக்கிறார்கள் என்ற விபரத்தை படக்குழு வெளியிட உள்ளதாம். படத்தில் நடித்தவர்களும் இந்த விழாவில் பங்கேற்க உள்ளதாக கூறப்படுகிறது.