மூன்று நாட்களாகியும் ஓயாத பரபரப்பு...தனுஷ் பெயரை நீக்காத ஐஸ்வர்யா

விவாகரத்து செய்யவில்லை

ஆனால் தனுஷ் - ஐஸ்வர்யா விவாகரத்து செய்யவில்லை. சிறு கருத்து வேறுபாடு காரணமாக இருவரும் பிரிந்திருப்பதாகவும், அவர்கள் இருவருமே தற்போது ஐதராபாத்தில் இருந்து வருவதாகவும் தகவல்கள் வெளியாகி உள்ளன. குடும்ப உறுப்பினர்கள், நெருங்கிய நண்பர்கள் என பலரும் இருவரையும் சமாதானம் செய்யும் முயற்சியில் இறங்கி உள்ளதாக கூறப்படுகிறது.

பெயரை நீக்காத ஐஸ்வர்யா

அதே சமயம் இவர்களின் விவாகரத்து பரபரப்பு மூன்று நாட்களாகியும் தற்போது வரை தொடர்ந்து வருகிறது. ஆனால் ஐஸ்வர்யா தனது சோஷியல் மீடியா பக்கங்களில் இருந்து தனுஷின் பெயரை நீக்கவில்லை. சோஷியல் மீடியாக்களில் தற்போது வரை Aishwarya_R_Dhanush என்று தான் அவரின் பெயர் உள்ளது. இதனால் அவர்களின் விவாகரத்து விவகாரம் உண்மையில்லை என ரசிகர்கள் நிம்மதி அடைந்துள்ளனர்.

பெயரை நீக்கிய பிரபலங்கள்

இதற்கு முன் நடிகை சமந்தா, விவாகரத்தை அறிவிப்பதற்கு முன்பே தனது பெயரின் பின்னால் இருந்த அக்கினேனி என்ற நாகர்ஜுனாவின் குடும்ப பெயரை நீக்கினார். திருமணத்திற்கு முன்பு இருந்ததை போல் சமந்தாருத் பிரபு என்று மாற்றினார். பெயரை நீக்கினாலும் விவாகரத்து தொடர்பான வதந்திகள் பற்றி அவர் வாய்திறக்காமல் இருந்தார். கிட்டதட்ட இரண்டு மாதங்களுக்கு பிறகே கணவர் நாக சைதன்யாவை பிரிய போவதாக முறைப்படி அறிவித்தார்.

Recommended Video

Dhanush & Aishwarya Rajinikanth Love Story | முதல் சந்தீப்பு, Kadhal Konden

விவாகரத்து வதந்தி

இதே சமீபத்தில் பிக்பாஸ் பிரபலமான அபினய் வட்டியின் மனைவியும் தனது பெயருக்கு பின்னால் இருந்த கணவர் பெயரை நீக்கி உள்ளார். பிக்பாஸ் நிகழ்ச்சியின் போது அபினய், பாவனி இடையேயான காதல் விவகாரம் தான் இவர்கள் இடையே பிரச்சனை ஏற்பட காரணமாக அமைந்ததாக கூறப்படுகிறது. அவரும் இதுவரை விவாகரத்தை முறையாக அறிவிக்கவில்லை. ஆனால் அபர்னா தனது கணவர் அபினயின் பெயரை நீக்கி உள்ளதால் விவாகரத்து வதந்தி எழுந்துள்ளது.