மலையாள ஹிட்டான வெள்ளிமூங்காவை ரீமேக்கும் சுந்தர் சி

மலையாளத்தில் பெரும் வெற்றிப் படமாக ஓடிய வெள்ளிமூங்காவை தமிழில் ரீமேக் செய்கிறார் இயக்குநர் சுந்தர் சி.

தமிழில் கமர்ஷியல் இயக்குநர்களில் முன்னணியில் இருப்பவர் சுந்தர் சி. இவரது படங்கள் தயாரிப்பாளர்களையும் சரி, ரசிகர்களையும் சரி பெரும்பாலும் ஏமாற்றுவதில்லை.

சமீபத்தில் வந்த அரண்மனை படம் பெரும் வசூலைக் குவித்தது. ஆம்பள படமும் வெற்றியைப் பெற்றுள்ளது.

அடுத்து இவர் அரண்மனை படத்தின் இரண்டாம் பாகத்தை இயக்குவார் என்று கூறப்பட்டது. ஆனால் இப்போது தனது திட்டத்தை மாற்றிக் கொண்டுள்ளார் சுந்தர்.

மலையாளத்தில் பெரிய வெற்றியைப் பெற்ற வெள்ளிமூங்கா படத்தின் ரீமேக் உரிமையைப் பெற்றுள்ளார். ஒரு நாற்பது வயது முரட்டு அரசியல்வாதி, இளம் பெண்ணின் மீது காதல் கொள்ள, அதன் விளைவுகளை நகைச்சுவையுடன் சொல்லும் படம் இந்த வெள்ளிமூங்கா. சுந்தர் சியே நாயகனாகவும் நடிக்கிறார்.

இந்தப் படத்தை சுந்தர் சி தன் பாணியில் இயக்கினால் எப்படி இருக்கும்?

ரசிகர்களுக்கு நகைச்சுவை விருந்து நிச்சயம்!