Don't Miss!
- News சென்னையை அதிர வைத்த போலி நகையை அடகு வைக்கும் கும்பல்.. காரைக்குடியில் மொத்தமாக சிக்கியது எப்படி?
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Lifestyle 18 ஆண்டுகளுக்கு பின் உருவான அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
லீக்கான சூர்யா 42 டைட்டில்... அஜித் ரூட்டில் சூர்யாவின் V சென்டிமெண்ட்... இது ஒர்க் அவுட் ஆகுமா?
சென்னை: கோலிவுட்டின் முன்னணி நடிகரான சூர்யா தற்போது அவரது 42வது படத்தில் நடித்து வருகிறார்.
சிறுத்தை சிவா இயக்கும் இந்தப் படத்தை ஸ்டூடியோ க்ரீன் தயாரிக்க 3டி டெக்னாலஜியில் பிரம்மாண்டமாக உருவாகி வருகிறது.
தமிழ், தெலுங்கு, இந்தி உட்பட 10 மொழிகளில் உருவாகும் இந்தப் படத்தில் சூர்யா ஜோடியாக திஷா பதானி நடித்து வருகிறார்.
சூர்யா 42 படத்தின் மோஷன் போஸ்டர் தவிர இதுவரை எந்த அப்டேட்டும் வெளியாகாத நிலையில், தற்போது டைட்டில் குறித்து தகவல் கிடைத்துள்ளது.
சில கேரக்டர்கள் நம்மை டேமேஜ் செய்யும்.. ஆனால் அது தேவைப்படுது.. ரோலக்ஸ் குறித்து பேசிய சூர்யா!
இறுதிக்கட்டத்தில் சூர்யா 42?
சூர்யா நடிப்பில் கடைசியாக திரையரங்குகளில் வெளியான 'எதற்கும் துணிந்தவன்' கலவையான விமர்சனங்களைப் பெற்றது. மேலும், விக்ரம் படத்தில் ரோலக்ஸ் என்ற கேமியோ கேரக்டரில் நடித்து மிரட்டியிருந்தார். இதனைத் தொடர்ந்து தற்போது சிவா இயக்கத்தில் தனது 42வது படத்தில் நடித்து வருகிறார் சூர்யா. முன்னதாக பாலா இயக்கத்தில் அவர் நடித்து வந்த வணங்கான் திரைப்படம் பாதியிலேயே டிராப் ஆனது குறிப்பிடத்தக்கது. கடந்தாண்டு செப்டம்பரில் தொடங்கப்பட்ட சூர்யா 42 படப்பிடிப்பு தொடர்ந்து நடைபெற்று வருகிறது.
பிரமிக்க வைத்த மோஷன் போஸ்டர்
'சிறுத்தை' சிவா இயக்கும் சூர்யா 42 படத்தை, ஸ்டூடியோ க்ரீன் சார்பில் ஞானவேல் ராஜா தயாரிக்கிறார். சூர்யா ஜோடியாக திஷா பதானியும் காமெடி கேரக்டரில் யோகி பாபுவும் நடித்து வருகின்றனர். மற்ற நடிகர்கள் பற்றிய அப்டேட் எதுவும் இதுவரை வெளியாகவில்லை. இன்னும் டைட்டில் வைக்கப்படாத இந்தப் படத்திற்கு தேவி ஸ்ரீபிரசாத் இசையமைத்து வருகிறார். சூர்யா 42 படம் பற்றிய அறிவிப்பு வெளியாகும் போதே மிரட்டலான மோஷன் போஸ்டரையும் படக்குழு வெளியிட்டிருந்தது.
சூர்யா 42 டைட்டில் இதுதானா?
பாகுபலி, கேஜிஎஃப் படங்களின் பிரம்மாண்டமும் மேக்கிங்கும் சூர்யா 42 படத்தில் இருக்கும் என எதிர்பார்க்க வைத்துள்ளது இந்த மோஷன் போஸ்டர். அரத்தர், வெண்காட்டர், மண்டாங்கர், முக்காட்டர், பெருமனத்தார் என வரிசையாக திரையில் வித்தியாசமான பெயர்கள் வர, கருடனாக பறந்து வருகிறார் சூர்யா. இந்த மோஷன் போஸ்டர் நல்ல வரவேற்பை பெற்ற நிலையில், படத்தின் டைட்டில் என்னவாக இருக்கும் என ரசிகர்கள் எதிர்பார்த்திருந்தனர். இந்நிலையில், தற்போது சூர்யா 42 பட டைட்டில் குறித்து தகவல் கிடைத்துள்ளது. அதன்படி 'வீர்' என்ற டைட்டில் கன்ஃபார்ம் ஆகியுள்ளதாக சொல்லப்படுகிறது.
அஜித் ரூட்டில் V சென்டிமெண்ட்
அஜித்தின் வீரம், வேதாளம், விவேகம், விஸ்வாசம் என தொடர்ந்து நான்கு படங்களை இயக்கியுள்ளார் சிவா. இந்தப் படங்களின் டைட்டில் அனைத்துமே வி சென்டிமெண்டில் தான் வைக்கப்பட்டன. அதே ஃபார்முலாவில் தான் சூர்யா 42 படத்துக்கும் டைட்டிலை தேர்வு செய்துள்ளாராம் சிவா. அஜித்தின் சக்சஸ் ஃபார்மட் சூர்யாவுக்கும் செட்டாகும் என கணக்குப் போடுகிறார் சிவா. ஆனால் இதனை படம் வெளியாகும் போது பொறுத்திருந்து பார்க்க வேண்டும். இதனிடையே சூர்யா 42 படத்தின் டைட்டில் 'வீர்' என்ற செய்தி வைரலாகி வரும் நிலையில், படக்குழு தரப்பில் இருந்து இதுவரை எந்த மறுப்பும் தெரிவிக்கப்படவில்லை. சூர்யா 42 3டி தொழில்நுட்பத்தில் 10 மொழிகளில் உருவாகி வருவதும் குறிப்பிடத்தக்கது.