எதற்கும் துணிந்தவன் பார்த்து விட்டு சூர்யா மகள் என்ன சொல்லிருக்கார் தெரியுமா ?

கமர்ஷியல் ஹிட் படம்

சில எதிர்ப்புக்களை சந்தித்தாலும், கமர்ஷியல் ரீதியாக ஹிட் அடித்துள்ள எதற்கும் துணிந்தவன் படத்தால் சூர்யாவின் அடுத்தடுத்த படங்களின் அப்டேட்கள், கதைகள், அவரின் கேரக்டர் பற்றி அறிந்து கொள்ள ரசிகர்கள் அதிக ஆர்வம் காட்டி வருகின்றனர்.

அடுத்து என்ன படம்

எதற்கும் துணிந்தவன் படத்தின் வெற்றியை தொடர்ந்து அடுத்தடுத்து கமிட்டான படங்களில் பிஸியாக நடிக்க துவங்கி விட்டார் சூர்யா. பாலா இயக்கும் படத்தில் நடிக்க தயாராகி வரும் சூர்யா, வெற்றிமாறன் இயக்கும் வாடிவாசல் படத்திலும் ஒரே சமயத்தில் நடிக்க போவதாக அவரே கூறி உள்ளார். இதற்கு பிறகு பாண்டிராஜ் இயக்கத்தில் மீண்டும் ஒரு படம் நடிக்க கதை முன்பே ஓகே ஆகி விட்டதாகவும் சூர்யா கூறி இருந்தார்.

சூர்யா மகள் என்ன சொல்லிருக்கார்

எதற்கும் துணிந்தவன் படத்தை பார்த்து விட்டு அனைவரும் பாராட்டுகிறார்கள். ஆனால் உங்கள் வீட்டில் உள்ளவர்கள் என்ன சொல்கிறார்கள் என சூர்யாவிடம் பேட்டி ஒன்றில் கேட்கப்பட்டது. அதற்கு பதிலளித்த சூர்யா, தன் மகள் தியா படத்தை பார்த்து விட்டு என்னுடைய நடிப்பையும், என்னுடைய ரோலையும் ரொம்பவே பாராட்டினார். சமீபத்தில் வெளியான எனது படங்களில் சூரரைப் போற்று, ஜெய்பீம் படங்களின் வரிசையில் இந்த படத்தை வைப்பதாக கூறினார்.

இப்படி ஒரு அவதாரமா

இதே போல் எனது மகன் தேவ்வும் கூட இந்த படம் தனக்கு மிகவும் பிடித்திருந்ததாக கூறினார். கெட்டவர்களுக்கு எதிராக இப்படி ஒரு கோபமான அவதாரம் நான் எடுத்து இதுவரை பார்த்ததில்லை என்றார். எதற்கும் துணிந்தவன் அனைவரையும் கவர்ந்து, பாக்ஸ் ஆபீசிலும் வெற்றி பெற்றுள்ளது மகிழ்ச்சி அளிக்கிறது என்றார் சூர்யா.