இந்தியில் ரீமேக் ஆகிறது சூர்யாவின் சூரரை போற்று... ஹீரோ யாரு ?

சர்வதேச அங்கீகாரம்

அதைத் தொடர்ந்து ஆஸ்கார் போட்டிக்குள்ளும் நுழைந்தது சூரரை போற்று. சர்வதேச திரைப்படங்களுக்கு ஐஎம்டிபி., வழங்கிய ரேட்டிங்கில் சூரரை போற்று 3 வது இடத்தை பிடித்தது. இந்த கவுரவத்தை பெற்ற முதல் இந்திய திரைப்படம் சூரரை போற்று தான்.

கேப்டன் கோபிநாத் வாழ்க்கை படம்

ஏர் டெக்கன் நிறுவனத்தின் நிறுவனர் கேப்டன் கோபிநாத்தின் வாழ்க்கையை மையமாக கொண்டு எடுக்கப்பட்ட இந்த படத்தில் மாறா என்ற நெடுமாறன் ராஜாங்கம் கேரக்டரில் சூர்யா நடித்திருந்தார். குறைந்த கட்டணத்தில் விமான பயணம் என்பதை மையக் கருத்தாக கொண்ட இந்த படத்தில் அபர்ணா பாலமுரளி, பர்வேஷ் ராவல், கர்ணாஸ், காளி வெங்கட், ஊர்வசி உள்ளிட்டோர் நடித்திருந்தனர்.

இந்தியில் ரீமேக் ஆகும் சூரரை போற்று

தற்போது இந்த படத்தை தானே இந்தியில் ரீமேக் செய்ய போவதாக சுதா கொங்கரா அறிவித்துள்ளார். சூர்யாவின் 2டி என்டர்டைன்மென்ட் மற்றும் விக்ரம் மல்ஹோத்ராவின் அபுதந்தியா என்டர்டைன்மென்ட் நிறுவனமும் இணைந்து இந்த படத்தை தயாரிக்க உள்ளன.

சூர்யாவே இந்தியிலும் நடிக்கிறாரா

இந்தி ரீமேக்கில் யாரெல்லாம் நடிக்கிறார்கள், இந்தியிலும் சூர்யா தான் ஹீரோவா என்பது பற்றி எந்த தகவலும் வெளியிடப்படவில்லை. இருப்பினும் அதிக ரீமேக் படங்களில் நடித்தவர் என்ற முறையில் அஜய் தேவ்கன் நடிக்கலாம் என கூறப்படுகிறது.

யாரு ஹீரோ

இவர் தவிர ஹிருத்திக் ரோஷன், சல்மான் கான், அக்ஷய் குமார், ஜான் ஆபிரகாம் உள்ளிட்டோரின் பெயர்களும் சூர்யா நடித்த மாறா கேரக்டரில் நடிக்க பரிந்துரைக்கப்பட்டு வருகிறது. தமிழுக்கு கிடைத்த அதே ஆதரவு, இந்தி ரீமேக்கிற்கும் கிடைக்கும் என சுதா நம்பிக்கை தெரிவித்துள்ளார்.