அடுத்தபடியாக, 'சுப்பிரமணியபுரம்' சுவாதி குத்துப்பாட்டுக்கு பாடுவார்... உடன் ஒலிப்பது உங்கள் சிம்பு!

ஒரு பாடகி உதயமாகிறாள்...

இந்நிலையில், தற்போது பாடகியாகவும் புது அவதாரம் எடுக்கிறாராம் சுவாதி. ஜெயம் ரவி, த்ரிஷா, அஞ்சலி நடிப்பில் உருவாகி வரும் அப்பாடக்கர் படத்தில் அவர் பாடல் ஒன்றைப் பாட உள்ளதாக தகவல்கள் தெரிவிக்கின்றன.

சிம்பு ஜோடியாக...

குத்துப் பாடலான இதை நடிகர் சிம்புவுடன் சேர்ந்து சுவாதி பாட உள்ளாராம். இப்படத்திற்கு இசை டி.இமான்.

விரைவில் பாடல் பதிவு...

இந்த குத்துப் பாடலை சுவாதி பாடினால் நன்றாக இருக்கும் என்பது இமானின் விருப்பமாம். இது தொடர்பாக அவர் சுவாதியை அணுகி சம்மதம் பெற்று விட்டதாகக் கூறப்படுகிறது. விரைவில் பாடல் பதிவு நடைபெறும் என எதிர்பார்க்கப் படுகிறது.

சுவாதியும்...

ஆண்ட்ரியா, ஸ்ருதி, லட்சுமிமேனன், ரம்யா நம்பீசன் என சமீபகாலமாகவே, தமிழ் சினிமாவில் நாயகிகள் பலர் பாடகிகளாகவும் மாறி வருகின்றனர். தற்போது இந்த வரிசையில் சுவாதியும் இணைந்து விட்டார்.