கள்ளக் காதலுக்காக கணவரை கொன்றாரா டாப்சி? காதல், காமம் நிறைந்து வழியும் ஹசீன் தில்ருபா டிரைலர்!

பாலிவுட்டில் கலக்கல்

தனுஷின் ஆடுகளம் படத்தின் மூலம் கோலிவுட்டில் அறிமுகமான டாப்சி கடந்த சில ஆண்டுகளாக பாலிவுட்டில் முன்னணி ஹீரோயினாக கலக்கி வருகிறார். கடந்த ஆண்டு அவர் நடிப்பில் வெளியான தப்பட் படம் மிகப்பெரிய வரவேற்பையும் பாராட்டுக்களையும் பெற்றது.

ஹசீன் தில்ருபா

இயக்குநர் வினில் மேத்யூ இயக்கத்தில் விக்ராந்த் மசாய் மற்றும் ஹர்ஷவர்தன் ரானே உள்ளிட்ட திறமையான நடிகர்களுடன் இணைந்து நடித்துள்ளார் நடிகை டாப்சி. மர்ம த்ரில்லர் படமாக இந்த படம் உருவாகி உள்ளது குறிப்பிடத்தக்கது.

டிரைலர் ரிலீஸ்

நெட்பிளிக்ஸில் வரும் ஜூலை 2ம் தேதி வெளியாக உள்ள ஹசீன் தில்ருபா படத்தின் அதிகாரப்பூர்வ டிரைலரை தற்போது நெட்பிளிக்ஸ் இந்தியா தனது சமூக வலைதள பக்கங்களில் வெளியிட்டு வைரலாக்கி உள்ளது. ஒவ்வொரு ஃபிரேமிலும் டாப்சியின் ஹாட்டான நடிப்பு ரசிகர்களுக்கு இன்பதிர்ச்சி கொடுத்துள்ளது.

கள்ளக் காதல்

கள்ளக் காதலில் ஈடுபட்டு இருக்கும் ஹசீன் தில்ருபாவின் கணவர் கொலை செய்யப்படுகிறார். கணவரை ஏன் கொலை செய்தீர்கள் என போலீசார் ஹசீன் தில்ருபாவை கைது செய்து விசாரிக்கின்றனர். உண்மையிலேயே டாப்சி தான் அந்த கொலையை செய்தாரா? இல்லை யார் டாப்சியின் கணவரை கொலை செய்தார் என்கிற பரபரப்பு நிறைந்த கதையாக இந்த படம் உருவாகி இருப்பது டிரைலரை பார்த்தாலே தெரிகிறது.

காமம் நிறைந்து

இதுவரை இப்படியொரு செக்ஸியான கதாபாத்திரத்தில் நடிகை டாப்சி நடித்ததில்லை. இந்நிலையில், ஹசீன் தில்ருபா டிரைலர் முழுக்க ஆடை அவிழ்ப்பு, லிப் லாக் முத்தக் காட்சி, கதையிலேயே கள்ளக் காதல் என காட்சிக்கு காட்சி காமம் நிறைந்து காணப்படுகிறது.

பயங்கர பிசி

ஹசீன் தில்ருபா படம் அடுத்த மாதம் ரிலீசாக உள்ள நிலையில், அடுத்த அடுத்த படங்களின் டப்பிங் உள்ளிட்ட பணிகளில் நடிகை டாப்சி இந்த லாக்டவுன் நேரத்திலும் பயங்கர பிசியாக பணியாற்றி வருகிறார். சபாஷ் மித்து, லூப் தேரா, ராஷ்மி ராக்கெட், விஜய்சேதுபதி உடன் தமிழில் ஒரு படம் என ஏகப்பட்ட படங்கள் டாப்சி கைவசம் உள்ளன.