தமிழ் சினிமா: எட்டு தேசிய விருதுகளைத் தந்த 2015!

சிறந்த குழந்தை நட்சத்திரங்கள்- விக்னேஷ், ரமேஷ் (காக்கா முட்டை)

காக்கா முட்டை படத்தில் சின்ன காக்கா முட்டை, பெரிய காக்கா முட்டை என்று வரும் இரு சிறுவர்களுக்கு சிறந்த குழந்தை நட்சத்திரங்களுக்கான தேசிய விருது கிடைத்தது.

சிறந்த குழந்தைகளுக்கான படம் – காக்கா முட்டை

காக்கா முட்டைக்கு கிடைத்த இன்னுமொரு தேசிய விருது இது. வெறும் விருதுகளுடன் நிற்காமல் வசூலிலும் கொடி நாட்டியது இந்த முட்டை.

சிறந்த பிராந்திய மொழி படம் – குற்றங்கடிதல்

பிரம்மன் இயக்கிய இந்தப் படம் மிகச் சிறந்த படைப்பாகப் பார்க்கப்படுகிறது. இந்தப் படம் தமிழில் சிறந்த பிராந்திய மொழிப் படமாக அறிவிக்கப்பட்டு விருதும் பரிசும் வென்றது.

சிறந்த பாடலாசிரியர் – நா.முத்துக்குமார் (சைவம்)

இந்தப் படமும் 2014-ல் வெளியானதுதான். ஆனால் 2015-ம் ஆண்டு விருது அறிவிக்கப்பட்டு வழங்கப்பட்டது. இதே படத்துக்காக உத்ராவுக்கு சிறந்த பின்னணி பாடகி விருது கிடைத்தது.

சிறந்த திரைப்படம் சார்ந்த புத்தகம் – ப்ரைடு ஆஃப் தமிழ் சினிமா (தனஞ்செயன்)

தயாரிப்பாளர் தனஞ்செயன் எழுதிய புத்தகம் ப்ரைடு ஆஃப் தமிழ் சினிமா. சிறந்த திரைப்படம் சார்ந்த புத்தகம் என்ற விருதினை இந்தப் படம் பெற்றது.