Click it and Unblock the Notifications
சென்னை திரும்பும் இளையராஜாவுக்கு விமான நிலையத்தில் வரவேற்பு
ஆயிரம் படங்களுக்கு மேல் இசையமைத்த சாதனைக்காக மும்பையில் கவுரவிக்கப்பட்ட இளையராஜாவுக்கு இன்று சென்னை விமான நிலையத்தில் மீடியா சார்பில் வரவேற்பு தருகிறது.
இன்று பிற்பகல் 12.30 மணிக்கு மும்பையிலிருந்து விமான நிலையத்துக்கு வரும் இளையராஜா, செய்தியாளர்களுடன் சில நிமிடங்கள் பேசவிருக்கிறார்.
இதுகுறித்து இன்று வெளியிடப்பட்டுள்ள செய்திக் குறிப்பில், "தான் பிறந்த மண்ணையும், தமிழ் சினிமாவையும் தலை நிமிர வைத்த இசைஞானி இளையராஜா, இன்று (ஜனவரி 21, புதன்கிழமை) பிற்பகல் 12.35 மணிக்கு மும்பையிலிருந்து சென்னைக்கு வருகிறார், அவருக்கு சென்னை விமான நிலையத்தில் ஒட்டு மொத்த மீடியா சார்பில் ஒரு இதயப் பூர்வமான வரவேற்பு தரப்பட உள்ளது.
தனது ஆயிரம் பட சாதனை, அதற்காக பாலிவுட் நடத்திய பாராட்டு விழா ஆகியவை குறித்து மீடியாவுடன் பேசுகிறார் நம் ராகதேவன்.
பத்திரிகையாளர்கள், தொலைக்காட்சி செய்தியாளர்கள், ஒளிப்பதிவாளர்கள், இணையதள செய்தியாளர்கள், பண்பலை தொகுப்பாளர்கள், சுதந்திர பத்திரிகையாளர்கள், செய்தித் தொடர்பாளர்கள்.... அனைவரும் சென்னை விமான நிலையத்துக்கு வந்து, நம் இசைஞானிக்கு சிறப்பான வரவேற்பினைத் தர, அன்புடன் அழைக்கிறோம்," என்று குறிப்பிடப்பட்டுள்ளது.
Continue with Google