அதென்ன Thalaivaa day?...நெட்டிசன்களை குழம்ப வைத்த விஜய் ஃபேன்ஸ்

டிரெண்டான தலைவா டே

அப்படி தான் இன்று காலை முதலே ட்விட்டரில் #ThalivaaDay என்ற ஹேஷ்டேக் செம டிரெண்டாகி வருகிறது. அதென்ன தலைவா டே என புரியாமல் முதலில் நெட்டிசன்கள் குழம்பிப் போயினர். பிறகு தான் தெரிந்தது விஜய் நடித்த தலைவா படம் ரிலீசான நாள் இன்று என்பதை தான் ரசிகர்கள் இப்படி கொண்டாடி வருகின்றனர் என்று.

இது தான் காரணமா

டைரக்டர் ஏஎல் விஜய் இயக்கத்தில், விஜய் நடித்து 2013 ம் ஆண்டு வெளிவந்த படம் தலைவா. ஆக்ஷன் படமாக உருவாக்கப்பட்ட இந்த படம், முதலில் 2012 ம் ஆண்டு நவம்பர் மாதம் ரிலீஸ் செய்ய முடிவு செய்யப்பட்டு, பிறகு 2013 ம் ஆண்டு ஆகஸ்ட் 8 ம் தேதி மும்பையில் ரிலீஸ் செய்யப்பட்டது. ஆந்திரா, கேரளா, கர்நாடகா மாநிலங்களிலும் இந்த படம் நல்ல வரவேற்பை பெற்றது.

தமிழகத்தில் மட்டும் லேட்

ஆனால் அரசியல் காரணங்களால் ஏற்பட்ட எதிர்ப்பால் தமிழகத்தில் ஆகஸ்ட் 20 ம் தேதி தான் ரிலீஸ் செய்யப்பட்டது. 60 கோடி பட்ஜெட்டில் எடுக்கப்பட்ட இந்த படம் உலகம் முழுவதும் நல்ல வசூலை பெற்றது. முதல் வாரத்திலேயே சிங்கம் 2 படத்தின் வசூலை தலைவா முறியடித்தது.

அதிக எதிர்ப்பை சந்தித்த படம்

விஜய், அமலாபால், நிரவ்ஷா, சந்தானம், சத்யராஜ் உள்ளிட்டோர் நடித்த இந்த படத்திற்கு ஜிவி பிரகாஷ் குமார் இசையமைத்திருந்தார். அவரது இசையில் 6 பாடல்கள், ஒரு தீம் மியூசிக் உருவாக்கப்பட்டிருந்தது. விஜய்யின் படங்களிலேயே அதிக எதிர்ப்பை சந்தித்த படம் இது தான். படத்தின் டைட்டிலை வெளியிட்டதுமே எதிர்ப்பு ஆரம்பமானது.

இது வேற பண்ண போறாங்களா

தலைவா படம் ரிலீஸ் செய்யப்பட்டு 9 ஆண்டுகள் நிறைவடைந்ததை ரசிகர்கள் ஹேஷ்டேக் உருவாக்கி கொண்டாடி உள்ளனர். ஹேஷ்டேக் மட்டுமல்ல தலைவா டே விற்காக காமன் டிபி ஒன்றையும் வெளியிட முடிவு செய்திருக்கிறார்கள். இன்று மாலை டைரக்டர் ஏஎல் விஜய், தலைவா டே காமன் டிபி.,யை வெளியிடுவார் என சொல்லப்படுகிறது. தலைவா டேவை முன்னிட்டு ஃபேன் மேட் போஸ்டர்கள் அதிக அளவில் ட்விட்டரில் பகிரப்பட்டு வருகின்றன.