மாஸ் காட்டப்போகும் “வாரிசு“ இசை வெளியீட்டு விழா..தொகுப்பாளர் யார் தெரியுமா?

வாரிசு

பீஸ்ட் திரைப்படத்திற்கு பின் நடிகர் விஜய் நடிப்பில் உருவாகியுள்ள திரைப்படம் வாரிசு. இப்படத்தை தெலுங்கு திரைப்பட தயாரிப்பாளர் தில் ராஜூ தயாரித்துள்ளார். குடும்ப சென்டிமெண்ட் கொண்ட இந்த படத்தில் விஜய்க்கு ஜோடியாக ராஷ்மிகா மத்தானா நடித்துள்ளார். இப்படம் பொங்கல் பண்டிகையை முன்னிட்டு ஜனவரி 12ந் தேதி திரையரங்கில் வெளியாக உள்ளது.

இசை வெளியீட்டு விழா

தமிழில் இத்திரைப்படத்திற்கு வாரிசு என்றும் தெலுங்கில் வாரிசுடு என்றும் டைட்டில் வைக்கப்பட்டுள்ளது. இப்படத்தின் பர்ஸ்ட் லுக் போஸ்டர் விஜய்யின் பிறந்தநாள் அன்று வெளியாகி பலரின் பாராட்டை பெற்றது. இப்படத்தின் இசைவெளியீட்டு விழா எப்போது என அனைவரும் ஆவலுடன் காத்துக்கொண்டிருந்த நிலையில், டிசம்பர் 24ஆம் தேதி நேரு உள்விளையாட்டு அரங்கில் நடைபெற உள்ளது. விஜய் பேச்சை கேட்க ரசிகர்கள் இப்போதே தயாராகி விட்டனர். மாஸ்டர் இசை வெளியீட்டு விழாவில் விஜய் சொன்ன குட்டி ஸ்டோரி ரசிகர்கள் இடையே மிகப்பெரிய அளவில் டிரெண்டானது.

தொகுப்பாளர் யார் ?

இந்நிலையில், வாரிசு இசைவெளியீட்டு விழாவை பிக் பாஸ் சீசன் 5 டைட்டில் வின்னர் ராஜூ ஜெயமோகன் தொகுத்து வழங்க உள்ளார். இது குறித்து, ராஜூ தன்னுடைய ட்விட்டர் பக்கத்தில், நடிகர் விஜய்யின் 'வாரிசு' இசை வெளியீட்டு விழாவினை தொகுத்து வழங்குவதில் மகிழ்ச்சி. இதற்காக ஆர்வத்துடன் காத்திருக்கிறேன்.

டெலிட் செய்துவிட்டார்

டிசம்பர் 24ஆம் தேதியில் இருந்து படத்தின் பாடல்கள் அனைத்தையும் கேட்க இருக்கிறீர்கள். நன்றி. என நெகிழ்ச்சியுடன் தெரிவித்து இருந்தார். ஆனால், இந்த ட்வீட் பதிவிட்ட சிறிது நேரத்திலேயே ராஜூ இதனை டெலிட் செய்து விட்டார். ராஜூ அதனை நீக்கியதற்கான காரணம் தெரியவில்லை.

சுவாரசியமான சம்பம்

மேலும் இசைவெளியீட்டு விழாவின் மற்றொரு சுவாரசிய சம்பவம் நடக்க இருக்கிறது. இதில் இசையமைப்பாளர் அனிருத்தும் கலந்து கொள்ள இருப்பதாகவும், வாரிசு படத்தின் மூன்றாவது பாடலை அவர் நேரலையில் பாட இருப்பதாகவும் கூறப்படுகிறது. இதன் மூலமே வாரிசு இசைவெளியீட்டு விழா பிரமாண்டமாக நடைபெறவுள்ளது.