Don't Miss!
- News போலி பத்திரங்களை ரத்து செய்ய முடியுமா, முடியாதா? உயர்நீதிமன்ற உத்தரவால் ஏற்பட்ட மாற்றம் என்ன?
- Technology தல தோனியே சொல்லிட்டார்.. இது Smartwatch இல்லை குட்டி போன்னு.. பார்க்கதான் காஸ்ட்லீ.. ஆன ரேட் ரொம்ப கம்மி..
- Sports 8 வருஷமாக ஆர்சிபிக்கு தொடரும் சோகம்.. கேகேஆர் செய்த மாஸ் சம்பவம்.. வரலாற்றை மாற்றுவாரா விராட் கோலி?
- Automobiles வெறும் 1 மணி நேரத்தில் சென்னைல இருந்து பெங்களூர் போயிரலாம்! உலகையே மிரள வைக்கும் புல்லட் ரயில் சீறி பாய போகுது
- Lifestyle ஒரு டைம் காளானை வாங்கி இப்படி ட்ரை பண்ணுங்க.. சும்மா அள்ளும்...
- Finance மக்கள் அதிகம் வாங்குவதாலேயே தங்கம் விலை உயர்கிறதா..? உண்மை என்ன..?!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
ஜெயம் ரவியைத் தொடர்ந்து... ராம் சரணுக்கு வில்லனாக மாறும் அரவிந்த் சாமி
ஹைதராபாத்: தனி ஒருவன் தெலுங்கு ரீமேக்கில் ராம் சரணை அலட்டிக் கொள்ளாமல் எதிர்க்கும் வில்லனாக, அரவிந்த் சாமி நடிக்கிறார் என்று உறுதியான செய்திகள் வெளியாகி இருக்கின்றன.
தனி ஒருவன் படத்தின் மாபெரும் வெற்றிக்கு காரணமே நாயகனுக்கு இணையாக வில்லனுக்கும் படத்தில் காட்சிகளை அமைத்தது தான் என்று விமர்சனங்கள் எழுந்தன.
தனி ஒருவன் ஜெயம் ரவியா அல்லது அரவிந்த் சாமியா என்று சமூக வலைதளங்களில் பலரும் பட்டிமன்றமே நடத்தினர். அந்த அளவிற்கு தனது அலட்டிக் கொள்ளாத வில்லன் நடிப்பால் ரசிகர்களைக் கவர்ந்திருந்தார் அரவிந்த் சாமி.
இந்நிலையில் இப்படத்தின் தெலுங்கு ரீமேக்கில் நாயகனாக ராம் சரணும், வில்லனாக மாதவனும் நடிக்கவிருப்பதாக செய்திகள் வெளியாகின. ஆனால் மாதவன் நான் நடிக்கவில்லை என்று அதிகாரப்பூர்வமாக தெரிவித்து விட்டார்.
இதனால் அந்தப் பாத்திரத்தில் நடிப்பது யார் என்பதை அறிய ரசிகர்கள் ஆவலுடன் காத்திருந்தனர். தற்போது ரசிகர்களுக்கு மகிழ்ச்சி அளிக்கும் விதமாக தமிழில் அட்டகாசம் செய்த அரவிந்த் சாமியே தெலுங்கிலும் நடிக்கவிருக்கிறார் என்று செய்திகள் வெளியாகியுள்ளன.
முன்னதாக இந்தப் பாத்திரத்தில் நாகார்ஜுனாவை நடிக்க வைக்க படக்குழுவினர் எண்ணியிருந்தனர். ஆனால் அரவிந்த் சாமியின் நடிப்பு அவர்களைக் கவர்ந்ததால் அரவிந்த் சாமியிடம் பேசி அவரையே நடிக்குமாறு கேட்டுக் கொண்டிருக்கின்றனர்.
அரவிந்த் சாமி ஒத்துக் கொண்டாலும் கூட முறையான அறிவிப்புகள் அடுத்த வருடம் தான் வெளியாகுமாம். சுரேந்தர் ரெட்டி இயக்கும் இப்படத்தை என்வி பிரசாத் மற்றும் அல்லு அரவிந்த் ஆகியோர் தயாரிக்கவிருக்கின்றனர்.