ஜஸ்ட் 11 மணி நேரத்தில் ‘தப்பா யோசிக்காதீங்க’!

By Shankar

| Published: Monday, July 6, 2015, 16:26 [IST]

நிரஞ்சனா புரெடக்சன்ஸ் ஜி அனில்குமார் தயாரிப்பில் சுல்தான்ஸ் இயக்கத்தில் உருவாகும் புதிய படத்துக்கு ‘தப்பா யோசிக்காதீங்க' என்று தலைப்பிட்டுள்ளனர்.

Thappa Yosikkatheenga shot in just 11 hours

இத்திரைப்படம் 11 மணி நேரத்தில் எடுக்கப்பட்ட முதல் இந்திய தமிழ் திரைப்படம் இம்மாத இறுதியில் திரைக்கு வெளிவர உள்ளது .

இன்றைய வாழ்க்கை சூழலில் ஒரு மனிதன் தற்காலிக பணியிடை நீக்கத்தில் இருந்தால், அந்த குடும்பத்தினால் அவனுக்கு ஏற்படும் அவலங்கள் என்ன? அந்த மனித பொருளாதார ரீதியில் தனிமை படுத்தும் போது இந்நிலையில் அவனுக்கு ஏற்படும் இன்னல்களை எப்படி கையாள்கிறான் என்பதைச் சொல்லும் படமாம் இது.

இப்படத்தின் புதுமுக அறிமுக கதாநாயகன் எஸ்பி ராஜா, கதாநாயகியாக ஜோதிஷா, சனிலா, மற்றும் சிசர் மனோகர், மகி, பேபி நட்சத்திரம் மோனிகா உள்பட 44 கதாபாத்திரங்கள் நடிக்கின்றனர்.