தனுஷ்- அனிருத் போட்ட ‘தரை டிக்கெட்’ ஆட்டம்

அனேகன் வெற்றி

அனேகன் படத்தில் டங்கா மாரி பாடல் அதிரி புதிரி ஹிட் அடித்தது வெற்றியை தொடர்ந்து நடிகர் தனுஷ் மாரி படத்தில் நடிக்கிறார்.

காஜல் அகர்வால்

பாலாஜி மோகன் இயக்கிவரும் ‘மாரி' படத்தில் முதன் முறையாக தனுஷுக்கு ஜோடியாக நடிக்கிறார் காஜல் அகர்வால்.

தனுஷின் வுண்டர்பார் பிலிம்ஸ் நிறுவனமும், ராதிகா சரத்குமாரின் மேஜிக் பிரேம்ஸ் நிறுவனமும் இணைந்து தயாரிக்கும் இப்படத்திற்கு அனிருத் இசையமைக்கும் பணியை கவனித்து வருகிறார்.

தூத்துக்குடியில் ஓபனிங்

தற்போது இப்படத்தின் படப்பிடிப்பு விறுவிறுப்பாக நடந்து வரும் வேளையில் படத்திற்கான ஓபனிங் பாடல் கடந்த ஒருவார காலமாக தூத்துக்குடியில் படமாக்கப்பட்டு வருகிறது.

தரை டிக்கெட்

அனேகன் படத்தில் இடம்பெற்ற டங்கமாரி பாடல் போன்று இதிலும் ஒரு பாடல் உருவாக்கப்பட்டுள்ளது. தரை டிக்கெட்டை தனுஷ் எழுத, அனிருத் இசையமைத்துள்ளார்.

கெட்ட ஆட்டம்

தூத்துக்குடி துறைமுகம் அருகே படமாக்கப்பட்டு வரும் இப்பாடலில் தனுஷூடன், இசையமைப்பாளர் அனிருத்தும் செம ஆட்டம் போட்டிருக்கிறார்.

கூடிய கூட்டம்

மாரி படம் ஷூட்டிங் இங்கு நடைபெறுவதை அறிந்த அப்பகுதி மக்கள் ஏராளமானபேர் கூடிவிட்டனர். கட்டுப்படுத்த முடியாத அளவிற்கு மக்கள் கூட்டம் கூடி விட போலீசாரின் துணையோடு பாடல் காட்சியை படமாக்கியுள்ளனர்.

போலீஸ் பாதுகாப்போடு

தனுஷின் மாரியால், தூத்துக்குடி துறைமுகமே அதகளமாகிவிட்டதாம். இப்படத்தில் பின்னணி பாடகரான விஜய் யேசுதாஸ் வித்தியாசமான போலீஸ் வேடத்தில் நடித்துவருகிறார் என்பது குறிப்பிடத்தக்கது.