ஒரே நாளில் இரண்டு அப்டேட்...கலக்கும் அண்ணாச்சியின் தி லெஜண்ட் டீம்

ஹீரோவான அண்ணாச்சி

இது வரை தனது கடை விளம்பரங்களில் மட்டுமே பல்வேறு ஹீரோயின்களுடன் நடித்து வந்த அண்ணாச்சி, இந்த படத்தில் வித்தியாசமான ரோலில் நடித்து ஹீரோயினாக அறிமுகமாகிறார். விவேக் கடைசியாக நடித்த படம் என்பதாலும் இந்த படத்தின் மீது அனைவருக்கும் ஆர்வம் அதிகரித்துள்ளது.

மே 20 ல் வருது வாடிவாசல்

தி லெஜண்ட் படத்தின் ஃபர்ஸ்ட் சிங்கிளாக மொசலோ மொசலு பாடல் ஒரு மாதத்திற்கு முன் வெளியிடப்பட்டது. இந்த பாடல் ரசிகர்களிடம் நல்ல வரவேற்பை பெற்றது. இந்நிலையில் இரண்டாவது சிங்கிளை படக்குழு வெளியிட உள்ளது. இது வாடிவாசல் என துவங்கும் செகண்ட் சிங்கிள் மே 20 ம் தேதி வெளியிடப்பட உள்ளதாக அறிவிப்பு வெளியிடப்பட்டது.

ஒரே நாளில் இரண்டு அப்டேட்

வாடிவாசல் என சூர்யா பட டைட்டிலில் செகண்ட் சிங்கிள் வெளியிடப்பட உள்ளதால் அப்படி என்ன பாடலாக இருக்கும் என அனைவரும் ஆவலாக பார்த்துக் கொண்டிருக்கையில் அடுத்த அப்டேட்டை வெளியிட்டு அசர வைத்துள்ளனர் படக்குழுவினர். ஒரே நாளில் இரண்டு அப்டேட்கள், அதுவும் அனைவரையும் திரும்பி பார்க்க வைத்துள்ள அப்டேட்கள் வெளியிடப்பட்டுள்ளதால் அனைவரும் ஆச்சரியத்தில் உள்ளனர்.

என்னது அடுத்த பிரம்மாண்டமா

தி லெஜண்ட் படத்தின் ஆடியோ வெளியீட்டு விழா மே 29 ம் தேதி அன்று சென்னை நேரு உள்விளையாட்டு அரங்கில் நடத்தப்பட உள்ளதாம். தற்போது தான் இந்த அரங்கில் கமலின் விக்ரம் படத்தின் ஆடியோ மற்றும் டிரைலர் வெளியீட்டு விழா நடத்தப்பட்டது. இந்த பிரம்மாண்ட விழா பற்றி தகவல்களே இன்னும் வந்து முடியவில்லை. அதற்குள் அண்ணாச்சி படத்தின் ஆடியோ வெளியீட்டு விழா அதே அரங்கில் நடத்தப்பட உள்ளதால் அனைவரின் கவனமும் தற்போது அந்த விழா மீது திரும்பி உள்ளது.