கமலின் இந்தியன் 2 படத்தோட ரன்னிங் டைம் தெரிஞ்சா தலையே சுத்திடும் போலயே!

டிரெண்ட் செட்டாக அமைந்த இந்தியன் தாத்தா

1996ல் கமல் - ஷங்கர் - ஏஆர் ரஹ்மான் கூட்டணியில் வெளியான 'இந்தியன்' திரைப்படம் ரசிகர்களிடம் சிறப்பான வரவேற்பை பெற்றது. கமல் இரட்டை வேடங்களில் நடித்திருந்தாலும், அவரது இந்தியன் தாத்தா அவதாரம், புதிய ட்ரெண்ட் செட்டாக அமைந்தது. இந்தப் படத்தின் 2ம் பாகத்தை கமலும் ஷங்கரும் இணைந்து 2020ம் ஆண்டு தொடங்கினர். லைகா தயாரிப்பில் கமலுடன் சித்தார்த், விவேக், காஜல் அகர்வால், ராகுல் ப்ரீத் சிங், பாபி சிம்ஹா ஆகியோரும் கமிட் ஆகியிருந்தனர்.

அசுரவேகத்தில் இந்தியன் 2 ஷூட்டிங்

2020ல் தொடங்கப்பட்ட இந்தியன் 2 ஷூட்டிங், 70 சதவீதம் வரை எந்த சிக்கல்களும் இல்லாமல் சென்றது. இடையில் கொரோனா ஊரடங்கு, படப்பிடிப்பில் கிரேன் சரிந்து 3 உதவி இயக்குநர்கள் பலி, பட்ஜெட் பிரச்சினை, விவேக் மரணம் என அடுத்தடுத்து பல சிக்கல்களால் முடங்கிப் போனது. இந்நிலையில், விக்ரம் படத்தின் வெற்றியால், இந்தியன் 2 படத்தை மீண்டும் தொடங்கியது படக்குழு. தயாரிப்பில் லைகாவுடன் ரெட் ஜெயன்ட் நிறுவனமும் இணைந்தது. இதனையடுத்து தற்போது சூட்டிங் வேகமாக நடைபெற்று வருகிறது.

வில்லனாக நடிக்கிறாரா விஜய் சேதுபதி

இந்தியன் 2 படத்தின் மேக்கப் டெஸ்டுக்காக சமீபத்தில் அமெரிக்கா சென்று திரும்பியுள்ளார் கமல்ஹாசன். அதனால், விரைவில் அவர் சம்பந்தப்பட்ட காட்சிகள் படமாக்கப்படும் என சொல்லப்படுகிறது. இதனிடையே இந்தியன் 2 படத்தில் விஜய் சேதுபதி வில்லனாக நடிப்பதாக ஒரு தகவல் வெளியானது. ஆனால், 70 சதவீதம் படபிடிப்பு முடிந்துவிட்ட நிலையில், இனிமேல் விஜய் சேதுபதி நடித்தாலும், அவரது கேரக்டருக்கு முக்கியத்துவம் இருக்காது என சொல்லப்பட்டது.

3 மணி நேரத்துக்கும் அதிகமான ரன்னிங் டைம்

தொடர்ச்சியாக இந்தியன் 2 குறித்து அப்டேட்கள் வெளியாகி வரும் நிலையில், தற்போது படத்தின் ரன்னிங் டைம் பற்றியும் தகவல் வெளியாகியுள்ளது. சமீபத்தில் வெளியான பெரும்பாலான படங்களின் ரன்னிங் டைம், கிட்டத்தட்ட 3 மணி நேரமாகவோ அல்லது அதற்கும் கூடுதலாகவோ இருக்கின்றன. அதேபோல், இந்தியன் 2 பட ரன்னிங் டைம் 3 மணி நேரம் 10 நிமிடங்கள் என இருக்கும் என தெரியவந்துள்ளது. சமீபத்தில் எழுத்தாளர் ஜெயமோகன் தனியார் யூடியூப் தளத்துக்கு அளித்த பேட்டியில் இந்தியன் 2 ரன்னிங் டைம் பற்றி பேசியுள்ளார். இந்த தகவல் ரசிகர்களை தலைசுற்ற வைத்துள்ளது.