தலைவர் 169 க்காக ரஜினி எடுத்த அதிரடி முடிவு...இன்னும் நெல்சன் மீது நம்பிக்கை வரலியோ?

வதந்திகளை நிறுத்திய ரஜினி

தலைவர் 169 கைவிடப்பட்டது, படத்தில் இருந்து நெல்சன் நீக்கப்பட்டார் என்று கூட சில வதந்திகள் பரவின. அதற்கு பிறகு ரஜினி தலையிட்டு, தனது ட்விட்டர் பக்கத்தில் கவர் போட்டோவாக தலைவர் 169 படத்தின் ஸ்டில்லை வைத்ததற்கு பிறகு தான் வதந்திகள் ஓய்ந்தன. தலைவர் 169 ஷுட்டிங் பற்றி பல தகவல்கள் வெளியாகி வருகின்றன.

தலைவர் 169 ரிலீஸ் எப்போ

ரஜினி வழக்கமான மருத்துவ பரிசோதனைக்காக அமெரிக்கா சென்று திரும்பிய பிறகு ஆகஸ்ட் மாதத்தில் தலைவர் 169 படத்தின் ஷுட்டிங் துவங்கப்பட உள்ளதாக கூறப்பட்டது. படத்தை 2023 ம் ஆண்டு பொங்கலுக்கு ரிலீசாக உள்ளதாக ஏற்கனவே கூறப்பட்டு வருகிறது. இந்நிலையில் மற்றொரு புதிய தகவல் வெளியாகி உள்ளது.

ரஜினியின் அதிரடி முடிவு

தலைவர் 169 படத்தில் ஐஸ்வர்யா ராய், ரம்யா கிருஷ்ணன், பிரியங்கா அருள்மோகன் நடிப்பதாக கூறப்பட்ட நிலையில், லேட்டஸ்ட் தகவலாக டைரக்டர் கே.எஸ்.ரவிக்குமாரும் இந்த படத்தில் இணைந்துள்ளாராம். ஆனால் தலைவர் 169 ல் அவர் நடிக்கவில்லையாம். மாறாக டைரக்ஷன் மற்றும் திரைக்கதையில் வேண்டிய மாற்றங்களை செய்ய படக்குழுவிற்கு உதவுவதற்காக கே.எஸ்.ரவிக்குமாரும் தலைவர் 169 டீமில் இணைந்துள்ளதாக கூறப்படுகிறது.

நெல்சன் மீது நம்பிக்கை வரலியோ

ஜுலை மாத இறுதியில் தலைவர் 169 படத்தின் ஷுட்டிங் துவங்கப்பட உள்ளதாக தகவல் வெளியாகி உள்ளது. வழக்கமாக பெரிய ஸ்டார்களின் படங்களில் அடுத்து யார் இணைய போகிறார், அவர் என்ன ரோலில் நடிக்கிறார் என்ற தகவல் தான் வரும். ஆனால் தலைவர் 169 ல் டைரக்ஷனை சரி பார்க்கவும், உதவவும் முன்னணி டைரக்டர்களில் ஒருவரான கே.எஸ்.ரவிக்குமாரை சேர்த்திருப்பது, ரஜினிக்கு நெல்சன் மீது முழுவதும் நம்பிக்கை வரவில்லை என்பதை காட்டுவதாக உள்ளதாக தகவல் பரவ துவங்கி உள்ளன.