விக்ரமில் ரோலக்ஸ்...அப்போ ராக்கெட்ரி படத்தில்...சூர்யாவின் ரோல் இது தான்

மீண்டும் கெஸ்ட் ரோலில் சூர்யா

விக்ரம் படத்தை தொடர்ந்து தற்போது மாதவன் இயக்கி, நடித்துள்ள ராக்கெட்ரி தி நம்பி எஃபெக்ட் படத்திலும் சூர்யா கெஸ்ட் ரோலில் நடித்துள்ளார். சூர்யாவும், மாதவனும் பல ஆண்டுகளாகவே நல்ல நண்பர்களாம். அதனால் தான் ராக்கெட்ரி படத்தில் கெஸ்ட் ரோலில் நடிக்க சூர்யாவை, மாதவன் செலக்ட் செய்தாராம். அவரும் கேட்ட உடனேயே ஓகே சொல்லி விட்டாராம். ராக்கெட்ரி படத்தின் தமிழ் வெர்சனில் தான் சூர்யா கெஸ்ட் ரோல் செய்துள்ளார். இந்தியில் ஷாருக்கான் அந்த ரோலில் நடித்துள்ளார்.

இதுக்கும் சம்பளம் வாங்கலியா

விக்ரம் படத்திற்கு மட்டுமல்ல ராக்கெட்ரி படத்திலும் கெஸ்ட் ரோலில் நடிக்க சூர்யா, சம்பளம் ஏதும் வாங்கிவில்லை என மாதவனே தெரிவித்துள்ளார். போக்குவரத்து செலவு உள்ளிட்ட எதற்கும் அவர் பணம் வாங்கவில்லை என தெரிவித்துள்ளார். சூர்யா மட்டுமல்ல ஷாருக்கானும் ராக்கெட்ரி படத்தில் நடிக்க சம்பளம் வாங்கவில்லையாம்.

சூர்யா என்ன ரோலில் நடித்துள்ளார்

ராக்கெட்ரி படத்தில் சூர்யா, பத்திரிக்கையாளர் ரோலில் நடிக்கிறார் என சில நாட்களுக்கு முன் தகவல் பரவியது. ஆனால் அது உண்மையில்லையாம். இந்த படத்தில் நடிகர் சூர்யாவின் ரோலில் தான் அவர் நடித்துள்ளாராம். நம்பி நாராயணன் ரோலில் நடித்திருக்கும் மாதவனை பேட்டி எடுப்பது போன்ற ஒரு சீனில் தான் சூர்யா நடித்துள்ளாராம்.

5 மொழிகளில் ரிலீசாகும் ராக்கெட்ரி

இஸ்ரோ விஞ்ஞானி நம்பி நாராயணனின் பயோ பிக்கான ராக்கெட்ரி தி நம்பி எஃபெக்ட் படத்தில் நம்பி நாராயணனாக மாதவனும், அவருடைய மனைவி மீனா நாராயணனாக சிம்ரனும் நடித்துள்ளனர். தமிழ் உள்ளிட்ட 5 மொழிகளில் ராக்கெட்ரி படம் ஜுலை 1 ம் தேதி ரிலீஸ் செய்யப்பட உள்ளது.

சூர்யாவை கொண்டாடும் ரசிகர்கள்

தொடர்ந்து பல படங்களில் கெஸ்ட் ரோலில், அதுவும் சம்பளம் எதுவும் வாங்காமல் நடித்து வரும் சூர்யாவை அவரது ரசிகர்கள் கொண்டாடி வருகின்றனர். சம்பளம் வாங்காமல் நடித்தும் நடிக்க சில நிமிட காட்சிகளிலேயே அனைவரையும் தன்னை பற்றியே பேச வைத்து விடுகிறார். இவர் வரும் சீனுக்காகவே படமும் ஹிட் ஆகி விடுகிறது. விக்ரமில் ரோலக்ஸ், ராக்கெட்ரியில் சூர்யா என கலக்கி வருகிறாரே என ரசிகர்கள் புகழ்ந்து வருகின்றனர்.