தனுஷ் - கீர்த்தி சுரேசின் தொடரி செப்டம்பர் 2ல் ரிலீஸ்

தள்ளி போன ரிலீஸ்

தொடரி படத்தின் அனைத்துப் பணிகளும் முடிந்தவுடன், விரைவில் படத்தை தணிக்கை செய்து விளம்பரப்படுத்த படக்குழு திட்டமிட்டு இருக்கிறது. முதலில் ஜூலை மாத இறுதியில் படத்தை வெளியிட திட்டமிட்டார்கள். ஆனால், 'கபாலி' வெளியீட்டால் தற்போது சுதந்திர தின விடுமுறையை கணக்கில் கொண்டு வெளியிட நினைத்தார்கள்.

தொடரியுடன் கொடி

கிராபிக்ஸ் பணிகள் முழுமையடைவதில் தாமதமானதால் செப்டம்பர் 2ம் தேதி ரிலீஸ் செய்யப் போவதாக படக்குழுவினர் அறிவித்துள்ளனர். 'தொடரி' வெளியீட்டைத் தொடர்ந்து 'கொடி' படத்தை விளம்பரப்படுத்த திட்டமிட்டு இருக்கிறார் தனுஷ்.

தனுஷ் - கீர்த்தி சுரேஷ்

தொடரி படத்தில் தனுஷ் காதலியாக கீர்த்தி சுரேஷ் நடிக்க தம்பி ராமையா, கருணாகரன், ஹரிஷ் உத்தமன் உள்ளிட்டவர்களும் இப்படத்தில் முக்கிய பாத்திரத்தில் நடித்திருக்கிறார்கள். இப்படத்தை சத்யஜோதி நிறுவனம் தயாரித்திருக்கிறது. யுகபாரதி அனைத்து பாடல்களையும் எழுத இமான் இசையமைத்திருக்கிறார். இப்படத்தை சத்யஜோதி நிறுவனம் தயாரித்திருக்கிறது.

கீர்த்தி சுரேஷ் எதிர்பார்ப்பு

ரஜினி முருகன் நாயகி கீர்த்தி சுரேஷ் சிவகார்த்திக்கேயனுடன் நடித்துள்ள ரெமோ படம் அக்டோபரில் வெளியாக உள்ளது. அதற்கு முன்னதாகவே தனுஷ் உடன் நடித்த தொடரி வெளியாவதால் டபுள் மகிழ்ச்சியில் இருக்கிறார் கீர்த்தி சுரேஷ்.

செப்டம்பர் 2ல் போட்டி பலம்

செப்டம்பர் 2ம் தேதி இருமுகன், சோனாக்ஷி சின்கா நடித்துள்ள அகிரா, இரு கில்லாடிகள் ஆகிய படங்கள் ரிலீஸ் ஆக உள்ளதாக ஏற்கனவே அறிவிக்கப்பட்டுள்ளது. இந்த நேரத்தில் தனுஷ் படமான தொடரியும் செப்டம்பர் 2ம் தேதி களமிறங்குகிறது.