பின்னால பேசுறவன் எல்லாம் கிழிஞ்ச டயரு.. துணிவு லிரிக்ஸ் லீக் ஆகிடுச்சு.. சும்மா தீயா இருக்கே!

தெறிக்கும் துணிவு டிரெண்டிங்

#Thunivufirstsingle மற்றும் #ChillaChilla ஹாஷ்டேக்குகளை போட்டு துணிவு படத்தின் ஃபர்ஸ்ட் சிங்கிள் ரிலீஸ் ஆகப் போவதை அஜித் ரசிகர்கள் கொண்டாடி வருகின்றனர். புயல் பாதிப்பை எல்லாம் தாண்டி பெரும் புயலாக துணிவு படத்தின் ஃபர்ஸ்ட் சிங்கிளை சோஷியல் மீடியாவில் தெறிக்கவிட ரசிகர்கள் வெறித்தனமாக வெயிட் செய்து வருகின்றனர்.

லீக்கான லிரிக்ஸ்

ஏற்கனவே துணிவு படத்தின் 'சில்லா சில்லா' பாடல் மற்றும் இரண்டாவது பாடலான 'காசேதான் கடவுளடா' உள்ளிட்ட பாடல்கள் சோஷியல் மீடியாவில் லீக் ஆகி டிரெண்டாகின. இந்நிலையில், இன்று மாலை வெளியாக உள்ள சில்லா சில்லா பாடலின் சூப்பரான லிரிக்ஸும் தற்போது கசிந்து அஜித் ரசிகர்களை அட்டம் போட வைத்துள்ளது.

பின்னாடி பேசுறவன்

அஜித் பட பாடல்களில் எப்போதுமே தத்துவம் மற்றும் பஞ்ச் லைன்கள் தான் லிரிக்ஸாக இருக்கும் என்பது தெரிந்தது தான். அதற்கு கேற்றார்போல பாடலாசிரியர் வைசாக் வரிகளில் உருவாகி உள்ள பாடல் வரிகள் கசிந்துள்ளன. "உள்ளுக்குள்ள ஃபயரு.. தெறிச்சு ஓடும் ஃபியரு.. பின்னாடி பேசுறவன் எல்லாம் கிழிஞ்ச டயரு" என ஆட்டம் போடும் தத்துவ வரிகளை எழுதியுள்ளார்.

அடுத்த ஆலுமா டோலுமா

வேதாளம் படத்தில் அனிருத் இசையில் இடம்பெற்ற ஆலுமா டோலுமா பாடல் அஜித் ரசிகர்களை தாண்டி அனைத்து ரசிகர்களையும் ஆட்டம் போட வைத்தது. திருமண வீடுகள் தொடங்கி, பார்ட்டி, பப் என அனைத்து இடங்களிலும் அந்த பாடல் இன்றும் அமர்க்களம் செய்து வரும் நிலையில், சில்லா சில்லா பாடல் அடுத்த ஆலுமா டோலுமாவாக மாறுமா என்பதை வெயிட் பண்ணி பார்ப்போம்.