'Thunivu' Public Review : துணிவு படம் எப்படி இருக்கு?? பொதுமக்கள் விமர்சனம்!

நல்ல மெசேஜ்

பட்டாசை கொளுத்திப்போட்டால் எப்படி வெடிக்குமோ அப்படி படம் முழுவதும் வெடித்து இருக்கிறார் அஜித். படத்தின் முதல் பாதி சும்மா மிரட்டலாக இருந்தது. இந்த படம் அஜித் ரசிகர்களுக்கு மட்டுமில்லாமல் பேமிலி ஆடியன்சுக்கும் ரொம்ப பிடிக்கும்.படத்தில் நல்ல மெசேஜ் சொல்லி இருக்காங்க, பேங்க் போனதும், எதையும் படிச்சி பார்க்காமல் கையெழுத்து போடுகிறோம் இதனால், என்னென்ன பாதிப்பு ஏற்படுகிறது, கிரெடிட் கார்டு, மியூச்சுவல் பண்ட் போன்றவற்றில் நடக்கும் முறைகேடுகளை தெளிவாக சொல்லப்பட்டுள்ளது.

எச் வினோத் செஞ்சிட்டாரு

அஜித் தாறுமாறாக நடித்து இருக்கிறார், படம் சூப்பர், பேங்கில் நடக்கும் முறைகேடுகள் பற்றி வச்சி செஞ்ட்சிட்டாங்க. மற்ற அஜித் படங்கள் போல் இல்லாமல் புதிதாக இருக்கிறது. இரண்டாம் பாதி ஜெனரல் ஆடியன்ஸுக்கு ரொம்ப பிடிக்கும், துணிவு கண்டிப்பாக பிளாக்பஸ்டர் தான். டிரைலரில் பார்த்ததை விட படம் மிரட்டலா இருக்கு.

தரமான சீன்

துணிவு படம் பீஸ்ட் காப்பி, மணி ஹெய்ஸ்ட காப்பி என்று சொல்றாங்க, பேங்கை கொள்ளை அடிச்சாலே மணி ஹெய்ஸ்ட் காப்பி என்றால், அப்போ குடும்ப செண்டிமென்ட் படும் எடுத்தால் விஸ்வாசம் என்று சொல்லட்டுமா, அஜித்தின் கிளைமாக்ஸ் எண்ட்ரி சீன் தரமா இருக்கு, வலிமை படத்தை விட இந்த படம் சூப்பராக இருக்கு

ஒன் மேன் ஷோ

துணிவு படத்தின் ஒவ்வொரு சீனும் சூப்பர், ஒவ்வொரு காட்சியையும் அஜித் செதுக்கி இருக்கிறார். வெள்ளை நிற காஸ்ட்யூம், தாடி, தலைமுடி என சும்மா ஸ்மார்ட் லுக்கில் மிரட்டி இருக்கிறார் அஜித். படத்தின் ஆரம்பம் முதல் முடிவு வரை எல்லாமே அஜித் தான். ஒன் மேன் ஷோவாக படம் நெடுங்கிலும் ஜாலி கலந்த வில்லத்துடன் அசத்தி உள்ளார் அஜித்.

விறுவிறுப்பு குறையவில்லை

மனுச ஏன் சுயநலமா இருக்கான். சுயநலமா இருக்கறதால தான் அவன் மனுசனாவே இருக்கான் என்ற உண்மையில் ரசிக்கும்படி இருக்கு, ஜிப்ரான் பிஜிஎம்பில் தெரிக்கவிட்டு இருக்கிறார். மங்காத்தா படத்தில் பார்த்த அஜித் மீண்டும் நம் கண்முன் வந்துள்ளார். முதல் பாதியில் தொடங்கிய விறுவிறுப்பு இறுதிவரை குறையாவே இல்லை.