’வா பதிலடிதான் தெரியுமடா.. உனக்கு சம்பவம் இருக்கு’.. துணிவு 3வது சிங்கிள் ‘கேங்ஸ்டா’ ரிலீஸ்!

வெளியானது கேங்ஸ்டா

அஜித் ரசிகர்களுக்கு ஏகே ஆந்தமாக வெளியாகி உள்ளது துணிவு படத்தின் 3வது சிங்கிளான கேங்ஸ்டா பாடல். ஜிப்ரான் வெறித்தனமாக இந்த பாடலுக்கு இசையமைத்துள்ளார். ஷபீர் சுல்தான் மற்றும் விவேகா வரிகள் எழுத ஷபீர் சுல்தான் மற்றும் ஜிப்ரான் இணைந்து இந்த அனல் பறக்கும் கேங்ஸ்டா பாடலை பாடி உள்ளனர்.

எதிர்க்கும் வரிகள்

நடிகர் விஜய்யின் வாரிசு படம் போட்டியாக வரும் பொங்கலுக்கு வெளியாக உள்ள நிலையில், துணிவு படத்தின் 3வது சிங்கிள் பாடல் வரிகள் எல்லாமே எதிர்க்கும் வரிகள் போலவே இடம்பெற்றுள்ளதாக விமர்சனங்கள் கிளம்பி உள்ளன. 'வா பதிலடிதான் தெரியுமடா.. உனக்கு சம்பவம் இருக்கு' உள்ளிட்ட வரிகளை சில தினங்களுக்கு முன்பாக போனி கபூர் வெளியிட்ட போதே இந்த பிரச்சனை கிளம்பியது.

செம சவுண்ட்

வரிகள் எல்லாம் அதிகளவில் கேட்காமல் அதிக சவுண்ட் உடன் இந்த பாடல் உருவாக்கப்பட்ட நிலையில் தான் முன்னாடியே லிரிக்ஸை மனப்பாடம் செய்து கொள்ளுங்கள் என போனி கபூர் ட்வீட் போட்டாரா என்றும் அப்படியே பாடலை வெளியிட்டு இருந்தால் ஒருத்தருக்கும் லிரிக்ஸ் கேட்டு இருக்காது என ட்ரோல்களும் கிளம்பி உள்ளன.

அஜித் வெறித்தனம்

அனிமேஷனில் அஜித் கையில் துப்பாக்கியுடன் சுட்டுத் தள்ளும் காட்சிகள் எல்லாம் படத்தில் இருந்தால் வேறலெவல் வெறித்தனம் என்பது கன்ஃபார்ம். கடைசியாக அஜித் அங்கே அமர்ந்திருக்கும் அந்த ஒரு ஷாட்டே அஜித் ரசிகர்களுக்கு செம கூஸ்பம்ப்ஸ் மொமண்ட் கொடுத்துள்ளது. கல்யாண் மாஸ்டர் இந்த பாடலுக்கு நடனம் அமைத்து ஆடியும் உள்ளாரா? என்கிற கேள்விகளையும் லிரிக் வீடியோ எழுப்பி உள்ளது.

ரெக்கார்டுகளை உடைக்குமா

வாரிசு பட பாடல்களில் ரெக்கார்டுகளை யூடியூபில் இதுவரை வெளியான துணிவு பாடல்கள் முறியடிக்காத நிலையில், கிறிஸ்துமஸ் பண்டிகை, ஞாயிறு விடுமுறை என டார்கெட் செய்து முன் அறிவிப்புடன் வெளியாகி உள்ள இந்த பாடல் மிகப்பெரிய ரெக்கார்டு படைக்குமா என்பதை வெயிட் பண்ணி பார்ப்போம்.