65 நாட்கள்.. 40 ஆயிரம் கிலோ மீட்டர் பயணம்… 'துரிதம்'… ஓர் உண்மை கதை!

துரிதம்

தமிழ் சினிமாவில் இதுவரை பல ரோட் மூவிக்கள் வந்திருந்தாலும் அவை எதுவும் தமிழகத்தை மையப்படுத்தி வெளியானது இல்லை. ஆனால் முதன்முறையாக அந்தக்குறையை போக்கும் விதமாக உருவாகியுள்ள படம் தான் துரிதம்.

65 நாட்கள், 40 ஆயிரம் கிலோ மீட்டர்

கதையின் நம்பகத்தன்மைக்காக தமிழ்நாட்டில், அதுவும் கதை நிகழும் சம்பந்தப்பட்ட ஊர்களுக்கே பயணப்பட்டு மொத்த படப்பிடிபையும் நடத்தியுள்ளனர். கிட்டத்தட்ட 65 நாட்கள் இந்தப்படத்தின் படப்பிடிப்பு நடைபெற்றுள்ளது. இதற்காக தமிழகத்துக்குள்ளேயே 40 ஆயிரம் கிலோ மீட்டர்கள் பயணித்து சாலைகளில் மட்டுமே பெரும்பாலான காட்சிகளின் படமாக்கப்பட்டுள்ளன. படத்தின் கதை விறுவிறுப்பாக நகரும் விதமாக இருப்பதால் படத்திற்கு 'துரிதம்' என்று பெயர் வைக்கப்பட்டுள்ளது.

உண்மை சம்பவம்

அனைவருமே தாங்கள் செய்யும் விஷயங்கள் அவர்கள் கண்ணோட்டத்தில் சரி என்பது போலத்தான் தெரியும். ஆனால் அடுத்தவர்கள் பார்வையில் அது தவறாக தெரிய வாய்ப்பு உண்டு. இந்த கருத்தை மையப்படுத்தி உண்மை சம்பவத்தை அடிப்படையாக வைத்து எடுக்கப்பட்ட திரைப்படம் தான் துரிதம்.

இயக்குனர் சீனிவாசன்

துரிதம் திரைப்படத்தை இயக்குனர் சீனிவாசன் இயக்கியுள்ளார். இவர் இயக்குனர் ஹெச்.வினோத்தின் படங்களில் உதவியாளராக பணியாற்றி உள்ளார். தனது குருவை போலவே இந்தப்படத்தை விறுவிறுப்பு குறையாமல் இயக்கியுள்ளார். ஜெகன் கதாநாயகனாக நடித்துள்ளார். அவருக்கு ஜோடியாக ஈடன் நடித்துள்ளார். புதியவரான நரேஷ் இசையமைத்துள்ள இப்படத்திற்கு விஜய் மில்டனின் உதவியாளராக பணியாற்றிய வாசன் ஒளிப்பதிவு செய்துள்ளார்.