இன்றைய ரிலீஸ்... 36 வயதினிலே, புறம்போக்கு

இன்று வெள்ளிக்கிழமை இரண்டு முக்கிய படங்கள் வெளியாகின்றன. இரண்டுமே எதிர்ப்பார்ப்புக்குரிய படங்கள். சமூக அக்கறை கொண்ட கருத்துக்கள் தாங்கி வருபவை.

அவற்றில் முதல் படம் 36 வயதினிலே (விமர்சனம் படிக்க). திருமணத்துக்குப் பிறகு ஜோதிகா நடிக்கும் முதல் படம். அவரது திரையிலக மறுபிரவேசம் என்பதால் மிகவும் கண்ணியமான, சமூக அக்கறை கொண்ட ஒரு படமாக இதனைத் தயாரித்துள்ளார் சூர்யா.

மலையாளத்தில் இந்தப் படத்தை உருவாக்கிய ரோஷன் ஆன்ட்ரூஸே, தமிழிலும் ரீமேக் செய்துள்ளார். சந்தோஷ் நாராயணன் இசையமைக்க, சூர்யா தனது 2டி எண்டர்டெயின்மெண்ட் நிறுவனம் மூலம் தயாரித்துள்ளார். தயாரிப்பாளராக இது அவருக்கு முதல் படம்.

இன்று வெளியாகும் இன்னொரு முக்கியப் படம் புறம்போக்கு என்கிற பொதுவுடைமை. பொதுவுடைமை தத்துவத்தில் ஆழ்ந்த newபற்று கொண்ட இயக்குநர் எஸ்பி ஜனநாதன் அதை தனது படைப்புகளில் பதிவு செய்யத் தயங்கியதில்லை.

இந்த முறை படத்தின் பெயரிலேயே பொதுவுடைமையை வைத்துவிட்டார். விஜயசேதுபதி, ஆர்யா, ஷாம், கார்த்திகா நடித்துள்ள இந்தப் படத்தை எஸ்பி ஜனநாதனும் யுடிவியும் இணைந்து தயாரித்துள்ளனர்.