அதிர்ச்சி.. டாம் அண்ட் ஜெர்ரி இயக்குநர் திடீர் மரணம்.. சோகத்தில் மூழ்கிய ரசிகர்கள்!

அலாதி பிரியம்

சிகாகோவில் பிறந்த ஜீன் டைச், முன்ரோ, 'டாம் டெர்ரிஃபிக்', 'பாப்பாய்' உள்ளிட்ட கார்ட்டூன் கதாபாத்திரங்களை உருவாக்கி இருக்கிறார். தன்னுடைய இளம் வயதில் வட அமெரிக்காவில் ஏர்ஃபேர்ஸில் பணியாற்றிய டைச், ராணுவத்திலும் வேலை பார்த்திருக்கிறார். விமானம் ஓட்டுவதில் அலாதி பிரியம் கொண்ட டைச், விமானம் ஓட்டுவதற்கனா பயிற்சியையும் பெற்றார்.

அனிமேஷன் ஸ்டுடியோ

தொடர்ந்து இசை சம்பந்தப்பட்ட துறையிலும் பணியாற்றினார் டைச். 1955 ஆம் ஆண்டு அனிமேஷன் ஸ்டுடியோ ஒன்றில் பணிக்கு சேர்ந்தார். அனிமேஷன் துறையில் சிறந்து விளங்கிய டைச்சுக்கு அப்போதுதான் புரிந்தது இதுதான் நமக்கான வேலை என்று. ஆர்வத்துடன் அனிமேஷன் துறையில் பணியாற்றிய டைச், 'சிட்னி தி எலிஃபண்ட்', 'க்ளிண்ட் க்ளாபர்' உள்ளிட்ட கதாபாத்திரங்களை உருவாக்கினார்.

ஆஸ்கர் வின்னர்

ஆஸ்கர் அவார்டுக்கு பரிந்துரைக்கப்படும் அளவுக்கு கொடி கட்டி பறந்தார் டைச். இதனை தொடர்ந்து 1958 ஆம் ஆண்டு டைச் சொந்தமாக அனிமேஷன் கம்பெனியை ஆரம்பித்தார். ஆரம்பத்தில் விளம்பர படங்களை உருவாக்கி கொடுத்தார். பின்னர் 1960-ஆம் ஆண்டு டைச் உருவாக்கிய 'முன்ரோ' என்ற கார்ட்டூன், சிறந்த அனிமேஷன் குறும்படத்திற்கான ஆஸ்கர் விருதை வென்றது.

திடீர் மரணம்

தொடர்ந்து இவர் இயக்கிய அனிமேஷன் குறும்படங்கள் பல ஆஸ்கர் விருதுக்கு பரிந்துரைக்கப்பட்டது. இந்நிலையில் இயக்குநர் ஜீன் டைச், பராகுவேவில் இருக்கும் தனது அபார்ட்மென்ட் வீட்டில் கடந்த வியாழக்கிழமை இரவு காலமனார். அவரது மரணத்திற்கான காரணம் குறித்த தகவல் இதுவரை வெளியாகவில்லை.

ரசிகர்கள் சோகம்

இந்நிலையில் டைச் மரணமடைந்த தகவலை உறுதிப்படுத்தியுள்ள அவரது பதிப்பாளராள பீட்டர் ஹிம்மல், ஜீன் டைச்சின் மரணம் எதிர்பாரத ஒன்று என தெரிவித்துள்ளார். டைச்சின் மரணம் திரைத்துறையினர் மற்றும் அவரது ரசிகர்களை சோகத்தில் ஆழ்த்தியுள்ளது.