நீங்க எல்லாம் நல்லா வருவீங்க…

லட்சுமி மேனன்

அறிமுகம் என்னவோ கும்கியில்தான். ஆனால் முதலில் வெளிவந்தது சுந்தரபாண்டியன். கவிதை பேசும் கண்கள் என்றும்... கவர்ச்சியை நம்பாத நடிகை என்றும் பேசப்படும் லட்சுமி மேனன் கையில் அரைடஜன் படங்கள் உள்ளன.

நஸ்ரியா நஷீம்

நேரம் படத்தில் அறிமுகம்... இப்போது ராஜா ராணி படமும் சூப்பர் ஹிட்... நையாண்டி தயார் நிலையில் உள்ளது. இளம் நாயகர்கள் முதலில் டிக் செய்யும் நடிகையாக மாறிவிட்டார் நஸ்ரியா நஷீம்

ஸ்ரீதிவ்யா

வருத்தப்படாத வாலிபர் சங்கம் படத்தில் அறிமுகம். ஆனாலும் துறுதுறு நடிப்பில் பலரது மனதில் இடம்பிடித்துவிட்டார் ஸ்ரீதிவ்யா.

நந்திதா

அட்டகத்தியில் அறிமுகம்... எதிர்நீச்சல். இதற்குத்தானே ஆசைப்பட்டாய் பாலகுமாரா என வரிசையாய் சூப்பர்ஹிட் படங்களில் நடித்து ஹிட் நடிகை என்று பெயரெடுத்துள்ளார்.

பிரியா ஆனந்த்

180, வாமனன் படங்களில் நடித்தவர் பிரியா ஆனந்த். ஸ்ரீதேவியுடன் இங்கிலிஷ் விங்கிலிஷ் படத்திலும் நடித்திருந்தார். எதிர்நீச்சல் திரைப்படம்தான் அவரை அடையாளப்படுத்தியது. இதைத் தொடர்ந்து பல படங்களில் புக் ஆகியுள்ளார்.

விஜய் சேதுபதி

தென்மேற்குப் பருவக்காற்று படத்தில் ஹீரோவாக அறிமுகம், பீட்சா, நடுவுல கொஞ்சம் பக்கத்தைக் காணோம், இதற்குத்தானே ஆசைப்பட்டாய் பாலகுமாரா என வரிசையாய் படங்கள் ஹிட் ஆகவே சூப்பர் ஹிட் நடிகராக உயர்ந்து வருகிறார் விஜய் சேதுபதி.

சிவா

ரேடியோ ஜாக்கியான சிவாவிற்கு சென்னை 600028 படம்தான் அறிமுகம், தற்போது வணக்கம் சென்னை வரை பல படங்களில் நடித்து தனி ரசிகர் வட்டத்தைப் பெற்றுள்ளார்.

சிவகார்த்திக்கேயன்

டிவி நிகழ்ச்சித் தொகுப்பாளரான சிவகார்த்திக்கேயன் மெரினா தொடங்கி வருத்தப்படாத வாலிபர் சங்கம் வரை வரிசையாய் ஏழு படங்களிலும் பேசப்படும் வெற்றியை பெற்றுள்ளார்.

தினேஷ்

சின்னச் சின்ன வேடங்களில் நடித்த தினேஷ் அட்டகத்தி படத்தில் படத்தில் ஹீரோவாக அறிமுகமானார். அறிமுக படத்திலேயே நல்ல பெயர் கிடைத்துள்ளது.

விமல்

பசங்க படத்தில் அறிமுகம் அதைத் தொடர்ந்து தேசிய விருது பெற்ற வாகைசூடவா படத்தின் ஹீரோ என பேசப்பட்ட விமல் தொடர்ந்து தமிழ் சினிமாவில் தனது இருப்பை தக்க வைத்துக் கொண்டுள்ளார்.

விக்ரம் பிரபு

தாத்தா சிவாஜி, அப்பா பிரபு என பலமான திரை உலக பின்னணி. கும்கி படத்தில் அறிமுகமாகி தனக்கென தனி இடத்தை பெற்றுள்ளார். தொடர்ந்து பிரபல இயக்குநர்களின் படங்களில் புக் ஆகி புதுமுக ஹீரோ சூப்பர் ஹீரோவாக உயர்ந்துவருகிறார்.