ஒரே நாளில் தெறி ஹிட் அடித்த டீசர்கள்! - கபாலிக்கு எந்த இடம் தெரியுமா?

யாருக்கு மாஸ் :

படம் தியேட்டர்களில் எத்தனை நாட்கள் ஓடுகிறது என இருந்த ரசிகர்களின் போட்டி இப்போது யூ-ட்யூப் ஹிட்ஸ், லைக்ஸ் யாருடைய படம் அதிகம் ட்ரெண்ட் ஆவது எனக் கால ஓட்டத்தில் மாறிவிட்டது. அந்த வகையில் இதுவரை வந்த தென்னிந்திய ப் படங்களில் ஒரே நாளில் அதிக ஹிட்ஸ் அடித்த டீசர்கள் எவை எனப் பார்க்கலாம்.

Peace Bro :

சமீபத்தில் வெளியான 'மெர்சல்' படத்தின் டீசர் பல திரைப்படங்களின் டீசர் சாதனைகளை முறியடித்து முதல் இடத்தில் இருக்கிறது. இந்தப் படத்தின் டீசரை 24 மணி நேரத்தில் 11 மில்லியன் பேர் பார்த்திருக்கிறார்கள்.

விவேகம் :

அஜித் நடித்த 'விவேகம்' படத்தின் டீசர் கடந்த நான்கு மாதங்களுக்கு முன்பு வெளியானது. இந்தப் படத்தின் அதிகாரப்பூர்வ டீசரை ஒரே நாளில் 6 மில்லியன் ரசிகர்கள் பார்த்திருக்கிறார்கள்.

கபாலி :

சூப்பர்ஸ்டார் ரஜினிகாந்த் நடிப்பில் பெருத்த எதிர்பார்ப்போடு வெளியான 'கபாலி' டீசர் ஒரே நாளில் 5.1 மில்லியன் ரசிகர்களால் பார்க்கப்பட்டு ட்ரெண்ட் செய்யப்பட்டிருக்கிறது.

ஜெய் லவ குசா :

ஜூனியர் என்.டி.ஆர் நடிப்பில் தற்போது வெளியாகியிருக்கும் படம் 'ஜெய் லவ குசா'. இந்தப் படத்தின் டீசரை முதல் நாளில் 4.98 மில்லியன் பேர் யூ-ட்யூபில் பார்த்திருக்கிறார்கள்.

ஸ்பைடர் :

மகேஷ்பாபுவின் நடிப்பில் தெலுங்கிலும், தமிழிலும் வெளியாகவிருக்கும் படம் 'ஸ்பைடர்'. இந்தப் படத்தில் தெலுங்கு டீசரை ஒரே நாளில் 4.4 மில்லியன் பேர் பார்த்திருக்கிறார்கள்.