நண்டு இழுக்குற கதையா மாறிடும்..காத்துவாக்குல ரெண்டு காதல் படத்தில் நடிக்காதது குறித்து த்ரிஷா பளிச்!

இருவருமே 20 வருஷம்

த்ரிஷா மற்றும் நயன்தாரா இருவருமே சினிமாவில் கடுமையான போட்டிகளை சந்தித்து தான் இந்த இடத்திற்கு வந்துள்ளனர். இருவருமே கிட்டத்தட்ட 20 வருஷங்கள் சினிமாவில் டாப் நடிகைகளாக அசத்தி வருகின்றனர். ஆனால், இருவருக்கும் இடையே இதுவரை பெரியளவிலான நட்பு எதுவுமே இருந்ததில்லை. இருவருக்கும் இடையே பிரச்சனை நிலவி வருகிறது என பல ஆண்டுகளாக பேச்சுக்கள் அடிபட்டு வந்த நிலையில், சமீபத்திய பேட்டியில் த்ரிஷா அது குறித்து ஓபனாக பேசி உள்ளார்.

ஆரோக்கியமான போட்டியா இருக்காது

இரண்டு டாப் ஹீரோயின்கள் இணைந்து நடித்தால் அது ஆரோக்கியமான போட்டியாக இருந்தால் நல்லது. ஆனால், இங்கே அப்படி நடக்க வாய்ப்பே இல்லை. ஒரு நடிகையோட ரசிகர்கள் இன்னொரு ரசிகையை புல் டவுன் பண்ணத்தான் நினைப்பாங்க என த்ரிஷா கூறியுள்ளார்.

வேண்டாம்னா வேண்டாம் தான்

காத்துவாக்குல ரெண்டு காதல் படத்தில் நடிக்க வேண்டாம்னு நான் முடிவு பண்ணேன்னா அதற்கு ஒரு காரணம் இருக்கும். நோ சொல்றதுக்கே சரியான யோசனை வேணும்ல அதைத்தான் நான் செஞ்சேன்னு நினைக்கிறேன். நடிகைகள் அதிகம் சேர்ந்து பழகுவதற்கான சூழலே சினிமாவில் இல்லைன்னு நினைக்கிறேன். பொன்னியின் செல்வன் மாதிரியான படங்களில் பல நடிகைகளுடன் இணைந்து நடிக்கும் போது தான் அதுபோன்ற வாய்ப்புகள் கிடைக்குதுன்னு நினைக்கிறேன்.

நண்டு கதை

எங்க ஹீரோயின் தான் நல்லா நடிச்சாங்க என்றும் இல்லை எங்க ஹீரோயின் தான் சூப்பர் என ரசிகர்கள் நண்டு கதை போல ஒருத்தரை ஒருத்தர் கீழே இழுத்துத் தள்ளி விட்டு ஒருமாதிரி கஷ்டமா போயிடும். அதனால் தான் நயன்தாராவுடன் இணைந்து நடிக்கவில்லை என த்ரிஷா கூறியுள்ளார்.

சமந்தா தான் சூப்பர்

காத்துவாக்குல ரெண்டு காதல் படத்தில் நயன்தாராவுடன் சமந்தா இணைந்த நடித்த நிலையிலும், சமந்தாவின் கதீஜா கதாபாத்திரம் தான் சூப்பர் என்றும் கண்மணி vs கதீஜா ஹாஷ்டேக்குகளும் சோஷியல் மீடியாவில் டிரெண்டானது குறிப்பிடத்தக்கது. பொன்னியின் செல்வன் படம் இந்த ஆண்டு த்ரிஷாவுக்கு மிகப்பெரிய ஹிட் கொடுத்த நிலையில், ஆண்டு இறுதியில் ராங்கி படத்தை இந்த வாரம் ரிலீஸ் செய்கிறார் த்ரிஷா.

பொன்னியின் செல்வன் 2 வருது

இன்று மாலை 4 மணியளவில் பொன்னியின் செல்வன் 2 படத்தின் ரிலீஸ் அப்டேட்டை வெளியாக உள்ளதாக தகவல்கள் வெளியாகி உள்ளன. லைகா மற்றும் மெட்ராஸ் டாக்கீஸ் நேற்று முதலே பொன்னியின் செல்வன் 2 படத்துக்கான அப்டேட்களை அடுக்கி வருகின்றன. குந்தவையாக த்ரிஷாவுக்கு பொன்னியின் செல்வன் 2 படத்திலும் ஏகப்பட்ட வேலைகள் உள்ளன.