மீண்டும் முழு ஊரடங்கு.. வரும் 19 ஆம் தேதி முதல், சின்னத்திரை படப்பிடிப்பு ரத்து..பெப்சி அறிக்கை!

முழு ஊரடங்கு

இதையடுத்து தமிழக அரசு, கொரோனா பரவல் அதிகரிப்பதை தடுக்க, சென்னையில் வரும் 19- ஆம் தேதி முதல், 30 ஆம் தேதி வரை 12 நாட்கள் முழு ஊரடங்கை மீண்டும் பிறப்பித்துள்ளது. செங்கல்பட்டு, காஞ்சிபுரம், திருவள்ளூர் மாவட்டங்களுக்கும் இந்த முழு ஊரடங்கு பொருந்தும். இதனால் சென்னையில் நடைபெற்று வந்த சுமார் 34 சின்னத்திரை தொடர்களின் படப்பிடிப்பு நிறுத்தப்படுகிறது.

பெப்சி அறிக்கை

சினிமா போஸ்ட் புரொடக்‌ஷன் வேலைகள் நிறுத்தப்படுகின்றன. இதுபற்றி தென்னிந்திய திரைப்பட தொழிலாளர் சம்மேளனம் (பெப்சி) அறிக்கை வெளியிட்டுள்ளது. தலைவர் ஆர்.கே.செல்வமணி, பொதுச்செயலாளர் அங்கமுத்து சண்முகம், பொருளாளர் சுவாமிநாதன் இணைந்து வெளியிட்டுள்ள அந்த அறிக்கையில் கூறியிருப்பதாவது: வரும் 19 ஆம் தேதி முதல் 30 ஆம் தேதி சின்னத்திரை படப்பிடிப்புகள், போஸ்ட் புரொடக்‌ஷன் வேலைகளை நிறுத்தி வைக்க முடிவு செய்துள்ளோம்

வேண்டுகோள்

அமைப்பு சாரா தொழிலாளர்களின் நிலை உணர்ந்து அவர்களையும் திரைப்பட தொழிலாளர்களோடு ஒன்றிணைத்து, கருணையோடு மூன்றாவது முறையாக நிவாரணம் அளித்த முதல்வருக்கு நன்றி. திரைப்படத் துறையினருக்கு ஏதாவது ஒரு வகையில் உதவுமாறு பிரதமர் மற்றும் நிதி அமைச்சருக்கு கடந்த 3 மாதங்களுக்கு மேலாக வேண்டுகோள் விடுத்த வண்ணம் உள்ளோம்.

மத்திய அரசு

கொரோனா பாதிப்பில் இருந்து மீண்டெழ, ரூ.20 லட்சம் கோடியை மத்திய அரசு நிவாரணமாக அறிவித்துள்ளது. அதில் திரைப்படத்துறைக்கோ, தொழிலாளர்களுக்கோ எந்த தொகையும் அறிவிக்கப்படவில்லை என்பதை வருத்தத்துடன் குறிப்பிடுகிறோம். மத்திய அரசு எவ்வித நிவாரணமும் அளிக்காதது வருத்தத்தை அளிக்கிறது. திரைத்துறைக்கு நிவாரணம் அளிக்குமாறு கேட்டுக்கொள்கிறோம். இவ்வாறு அந்த அறிக்கையில் கூறப்பட்டுள்ளது.