உத்தரவு மகாராஜா.. எஸ்ஜே சூர்யாவுடன் களமிறங்கும் உதயா!

நடிகர் உதயாவை நினைவிருக்கிறதா... தயாரிப்பாளர் ஏ எல் அழகப்பனின் மகன். இயக்குநர் விஜய்யின் அண்ணன்.

திருநெல்வேலி', ‘ஷக்கலக்க பேபி', ‘கணபதி வந்தாச்சு', ‘ராரா', 'பூவா தலையா' உள்ளிட்ட பல படங்களில் நடித்தார். பெரிய திருப்புமுனை இன்னும் கிடைக்கவில்லை. ஆனால் இந்த முறை கிடைத்துவிடும் என நம்புகிறார்.

இப்போது இரு படங்களில் நடித்து வருகிறார். ஒன்று ஆவி குமார். இந்தப் படம் கிட்டத்தட்ட முடிந்து ரிலீசுக்கு தயாராகி வருகிறது.

அடுத்து ‘உத்தரவு மகாராஜா' என்ற படத்தில் நடிக்க ஒப்பந்தமாகியுள்ளார்.

புதுமுக இயக்குனர் ஆஷிப் குரைஷி இயக்கும் இந்த படத்தில் உதயாவுக்கு ஜோடியாக நடிக்க ஹீரோயின் தேர்வு நடைபெற்று வருகிறது. மேலும், இந்த படத்தில் மகாராஜா கதாபாத்திரத்தில் நடிக்க எஸ்.ஜே.சூர்யாவுடன் பேச்சுவார்த்தை நடத்தி வருகிறார்கள்.

இப்படம் சைக்கோ திரில்லர் மற்றும் காமெடி கலந்து உருவாகவிருக்கிறது. ஸ்ரீகாந்த் தேவா இசையமைக்கிறார். இப்படத்தின் படப்பிடிப்பை ஜூலையில் தொடங்க இருக்கிறார்கள். பெங்களூர், கோவை, சென்னை ஆகிய இடங்களில் படப்பிடிப்பை நடத்த திட்டமிட்டுள்ளனர்.

இன்று உதயாவின் பிறந்த நாளும் கூட. இந்த பிறந்த நாளை பயனுள்ள வகையில் கொண்டாட முடிவு செய்துள்ள உதயா, தன்னுடைய உடல் உறுப்புகள் அனைத்தையும் மோகன் பவுண்டேஷன் என்ற அமைப்பு மூலம் தானம் செய்துள்ளார்.