உதயநிதியின் 'இப்படை வெல்லும்' பட ரிலீஸ் தேதி!

மெர்சலுக்கு பதிலாக

தீபாவளிக்கு மெர்சல் வெளியாகாது என்ற நிலை உருவானபோது இப்படை வெல்லும் படத்தை வெளியிடத் திட்டமிட்டனர். மெர்சல் திட்டமிட்டபடி வெளியானதால் தீபாவளிக்கு 'இப்படை வெல்லும்' படத்தை லைகா நிறுவனம் வெளியிடவில்லை.

நவம்பர் 9 ரிலீஸ்

இந்நிலையில் வருகிற 9-ம் தேதி இப்படத்தை வெளியிட படக்குழுவினர் முடிவு செய்துள்ளனர். வெள்ளிக்கிழமை படங்கள் வெளியிடப்பட்ட காலம்போய் கூடிய சீக்கிரமே வியாழக்கிழமை புதுப்படம் வெளியிடும் நாளாக மாறினாலும் ஆச்சர்யமில்லை.

வியாழக்கிழமை ரிலீஸ்

சாய்பாபா பக்தரான ஏ.எம்.ரத்னம் தன்னுடைய படங்களை வியாழக்கிழமை வெளியிட ஆரம்பித்தார். அதைப் பார்த்து மற்ற தயாரிப்பாளர்களும் தங்கள் படங்களை வியாழக்கிழமை வெளியிடத் தொடங்கினர். இந்த பட்டியலில் உதயநிதியின் படத்தையும் லைகா நிறுவனம் சேர்த்துவிட்டது.

செம போட்டி

சுசீந்திரன் இயக்கத்தில் சந்தீப் கிஷன், விக்ராந்த் ஆகியோர் நடிப்பில் உருவாகியுள்ள 'நெஞ்சில் துணிவிருந்தால்' நவம்பர் 10-ம் தேதி வெளியாகவிருக்கிறது. அடுத்த வாரம் நிறைய படங்கள் ரிலீசுக்கு தயாராகி வரும் நிலையில் 'இப்படை வெல்லும்' படத்தை ஒருநாள் முன்னதாக ரிலீஸ் செய்கின்றனர்.