தற்காப்பு கலையின் நாயகன்..புரூஸ் லீ பற்றி தெரியாத தகவல்!

புரூஸ் லீ

புரூஸ் லீ இந்த பெயரை நம் வாழ்வில் ஏதோ ஒரு சந்தர்ப்பத்தில் கடந்து வந்து இருப்போம். பள்ளி பருவத்தில், கல்லூரி காலத்தில்,நண்பர்கள் பேசும் போதும், சண்டையிடும் தருணத்தில் மனசுக்குள் புரூஸ் லீனு நினைப்பா என்று கேட்டு கிண்டலடித்து லாபித்து இருப்போம். புரூஸ் லீயை யாராலும் சண்டையிட்டு ஜெயிக்க முடியாது, அவரது உடம்பு இரும்புக்கு ஒப்பானது அதில் கத்தியை கொண்டு தாக்கினாலும் கத்தி இறங்காது.

தற்காப்பு கலை

அமெரிக்காவின் சான்பிரன்ஸிஸ்கோ நகரில் 1940ம் ஆண்டு சீன தம்பதியினருக்கு மகனாக பிறந்தார் புரூஸ் லீ. இவரது தந்தை ஒரு நாடக நடிகராக இருந்தால் குழந்தையாக இருக்கும் போதே பல திரைப்படங்களில் நடித்துள்ளார். இளம் வயதில் கராத்தே, குங்பூ கற்றுத்தேர்ந்த புரூஸ் லீ, அவற்றை இணைத்து ஒரு விதமான தற்காப்பு கலை ஒன்றை உருவாக்கினார்.

தீவிர பயிற்சி

உயர் கல்விக்காக அமெரிக்கா சென்ற லீ அங்கு ஒரு உணவகத்தில் பணியாற்றிக் கொண்டு நாடக கலையும் பயின்றார். பின்னர், முழு நேர குங்பூ பயிற்சியாளராக மாறினார். தீவிர பயிற்சி மூலம் உடலை வலிமையாக்குவது உடலை வளைப்பது ஆகியவற்றில் நிபுணரானார். 1967ல் கராத்தே சாப்பியன் நிக் மூரேவை கராத்தே போட்டியில் வென்றார்.

உயிரிழந்தார்

தொலைக்காட்சிகளில் நடித்து வந்த புரூஸ் லீ, தி பிக் பாஸ் என்ற ஹாங்காங் படத்தில் சாகச நாயகனாக நடித்து சூப்பர் ஸ்டார் ஆனார். குங்பூ வீரராக அடுத்தடுத்த படங்களில் நடித்த புரூஸ் லீ இறுதியாக எண்டர் தி டிராகன் படத்தில் நடித்து புகழின் உச்சிக்கு சென்றார். ஆனால், படம் வெளியாவதற்கு ஆறு நாட்களுக்கு முன்பே தனது 32வது வயதில் மர்மமான முறையில் உயிரிழந்தார்.

சாதனையை உலகம் இன்றும் பேசும்

புரூஸ் லீ ஹாலிவுட் சினிமாவில் நடித்த முதல் சீனர் ஆவார். பல உலக சாதனைகளை படைத்த புரூஸ் லீயின் சாதனையை முறியடிக்க இதுவரை யாரும் வரவில்லை என்பதுதான் உண்மை. 45 கிலோ மணல் மூட்டையை ஒரே கிக்கில் உடைக்கும் திறமை இவரிடம் மட்டும் தான் உள்ளது. ஒரே சமயத்தில் 1500 தண்டாலும், ஒரு கையில் 400 தண்டால், கை கட்டை விரலில் 10 தண்டாலும் எடுக்கும் அசாத்திய இரும்பு மனிதன் மறைந்து பல ஆண்டுகாலம் ஆனாலும் அவரின் சாதனையை உலகம் இன்றும் பேசுகிறது.