கேஜிஎஃப் மெகா ஹிட்டால் அதே ரூட்டில் களமிறங்கும் ஹீரோக்கள்... மெகா பட்ஜெட்டில் இன்னொரு படம்

கேஜிஎஃப் 2ம் பாகம்

இதைத் தொடர்ந்து கேஜிஎஃப் படத்தின் 2 ஆம் பாகம் பிரமாண்டமாக உருவாகி வருகிறது. இதில் இந்தி நடிகர் சஞ்சய் தத், அதீரா என்ற கேரக்டரில் நடிக்கிறார். கோடை விடுமுறைக்கு படம் வெளியாகும் என்று தெரிகிறது.

மெகா பட்ஜெட்

இதற்கிடையில், கன்னடத்தில் கேஜிஎஃப் பார்முலாவை பின்பற்றி மெகா பட்ஜெட்டில் படங்கள் உருவாகத் தொடங்கியுள்ளன. இப்போது பிரபல நடிகர் உபேந்திராவும் இந்த பார்முலாவில் இறங்கியுள்ளார். இவர் தமிழில் விஷால் நடித்த சத்யம் படத்தில் முக்கிய கேரக்டரில் நடித்திருந்தார்.

கப்ஸா

இவர் இப்போது கப்ஸா (Kabza) என்ற படத்தில் நடிக்கிறார். ரூ.50 கோடியில் உருவாகும் இந்தப் படத்தை சந்துரு இயக்குகிறார். பிரபல தாதா கதையான இதில், பிரகாஷ்ராஜ், ஜெகபதிபாபு, நானா படேகர், பிரதீப் ராவத் உட்பட பலர் நடிக்கின்றனர்.

தாதா உபேந்திரா

படம் பற்றி இயக்குனர் சந்துரு கூறும்போது, இதில் பிரபல தாதாவாக நடிக்கிறார் உபேந்திரா. இதற்காக தாதாக்களின் வாழ்க்கையை ஆய்வு செய்து கதையை உருவாக்கி இருக்கிறோம். 80-களில் நடக்கும் கதையான இந்த படம், கன்னடம், தமிழ், இந்தி, தெலுங்கு உட்பட 7 மொழிகளில் உருவாகிறது என்றார். இதன் தொடக்க பெங்களூரில் நேற்று நடந்தது.