»   »  உத்தம வில்லனுடன் மோதும் ரஜினி மகள்!

உத்தம வில்லனுடன் மோதும் ரஜினி மகள்!

Posted By:
Subscribe to Oneindia Tamil

கமல் ஹாஸனின் உத்தம வில்லன் படத்துடன் மோதுகிறது ரஜினி மகள் ஐஸ்வர்யா தனுஷ் இயக்கியுள்ள வை ராஜா வை திரைப்படம்.

திருப்பதி பிலிம்ஸ் நிறுவனம், கமலின் ராஜ்கமல் நிறுவனம் இணைந்து தயாரித்துள்ள படம் உத்தம வில்லன். கமல் திரைக்கதை எழுதி, இரு வேடங்களில் நடித்துள்ளார். ரமேஷ் அரவிந்த் இயக்கியுள்ள இந்தப் படம் வரும் மே மாதம் 1-ம் தேதி வெளியாகும் என சமீபத்தில்தான் அறிவிக்கப்பட்டது.


Uthama Villain Vs Vai Raja Vai

இந்த நிலையில் ரஜினி மகள் ஐஸ்வர்யா தனுஷ் இயக்கத்தில் உருவாகியுள்ள, கவுதம் கார்த்திக் - ப்ரியா ஆனந்த் நடித்துள்ள வை ராஜா வை திரைப்படமும் அதே மே 1-ம் தேதி உலகெங்கும் வெளியாகும் என அறிவிக்கப்பட்டுள்ளது.


இந்தப் படத்தை ஏஜிஎஸ் நிறுவனம் தயாரித்துள்ளது.


மே 1-ம் தேதி வேறு சில படங்களும் வெளியாகும் என அறிவிக்கப்பட்டிருந்தன. குறிப்பாக எஸ்பி ஜனநாதனின் புறம்போக்கு எனும் பொதுவுடமையும் அந்தத் தேதியில்தான் வெளியாவதாக அறிவிக்கப்பட்டிருந்தது.


ஆனால் இப்போது அந்தப் படத்தின் ரிலீஸ் குறித்து எந்த அறிவிப்பும் வெளியாகவில்லை. இப்போது கமல் படத்துடன் வை ராஜா வை மட்டும்தான் மோதுகிறது!

English summary
Aishwarya Dhanush's new movie Vai Raja Vai is going to give a tough fight to Kamal's Uthama Villain on May 1st.
Please Wait while comments are loading...