வடிவேலு கம்பேக்.. நாய் சேகர் ரிட்டர்ன்ஸ் டிரைலர் ரிலீஸ்.. பிக் பாஸ் ஷிவானியும் இருக்காங்க!

டைட்டில் சர்ச்சை

தலைநகரம் படத்தில் பிரபலமான நாய்சேகர் கதாபாத்திரத்தின் பெயரை வடிவேலு படத்திற்கு வைக்க நினைத்த நிலையில், அதற்கு முன்னதாக சதீஷ் படத்துக்கு அந்த டைட்டில் வைகப்பட்டது. கடைசியில் பேச்சுவார்த்தை முடிவுக்கு வந்த நிலையில், வடிவேலு படத்துக்கு நாய் சேகர் ரிட்டர்ன்ஸ் என்கிற தலைப்பு மாற்றப்பட்டுள்ளது.

வடிவேலு காட்டில் மழை

மீண்டும் சினிமாவில் நடிக்க வந்த நடிகர் வடிவேலுவுக்கு முதல் படமான நாய்சேகர் ரிட்டர்ன்ஸ் வெளியாகும் முன்னரே ஏகப்பட்ட பெரிய படங்களில் அவரை கமிட் செய்து விட்டனர். மாரி செல்வராஜ் இயக்கத்தில் உதயநிதி ஸ்டாலின், கீர்த்தி சுரேஷ் நடிப்பில் உருவாகி உள்ள மாமன்னன் திரைப்படத்தில் இவர் உதயநிதிக்கு அப்பாவாக நடித்துள்ளார் என தகவல்கள் வெளியாகி உள்ளன.

சந்திரமுகி 2

பி. வாசு இயக்கத்தி ரஜினிகாந்த் நடித்த சந்திரமுகி படத்தில் வடிவேலுவின் டபுள் மீனிங் காமெடிகள் வேற லெவலில் வொர்க்கவுட் ஆகின. இந்நிலையில், சந்திரமுகி 2 படத்திலும் வடிவேலுவையே பி. வாசு நடிக்க வைத்துள்ளார். சந்திரமுகி 2 மட்டுமின்றி வேறு சில பெரிய படங்களிலும் வடிவேலுவை தயாரிப்பாளர்களும், இயக்குநர்களும் ஒப்பந்தம் செய்து வருகின்றனர்.

டிரைலர் ரிலீஸ்

வரும் டிசம்பர் 9ம் தேதி நாய் சேகர் ரிட்டர்ன்ஸ் திரைப்படம் வெளியாக உள்ள நிலையில், தற்போது அந்த படத்தின் டிரைலர் வெளியாகி உள்ளது. வடிவேலுவுக்கு ஜோடியாக இந்த படத்தில் பிக் பாஸ் பிரபலம் ஷிவானி நாராயணன் நடித்துள்ளார். ஆனந்த்ராஜ், யூடியூப் விமர்சகர் பிரசாந்த், ரெட்டின் கிங்ஸ்லி உள்ளிட்ட பலர் நடித்துள்ளனர்.