Naai Sekar Returns Review: மீண்டும் என்ட்ரி கொடுத்த வடிவேலு.. எப்படி இருக்கு நாய் சேகர் ரிட்டர்ன்ஸ்?

வடிவேலு சுப்ரீமேஸி

இம்சை அரசன் 24ம் புலிகேசி படத்தின் மூலம் மீண்டும் வடிவேலுவை ஹீரோவாக பார்க்கலாம் என நினைத்துக் கொண்டிருந்த ரசிகர்கள் ஏமாற்றம் அடைந்த நிலையில், இன்று வெளியாகி உள்ள நாய்சேகர் ரிட்டர்ன்ஸ் படத்தில் வடிவேலுவின் சுப்ரிமேஸி தீயாக உள்ளதாக இந்த நெட்டிசன் தனது கருத்தை பதிவிட்டுள்ளார்.

ஜீவாவுடன் போட்டி

தமிழ்நாட்டில் இன்று ஜீவாவின் வரலாறு முக்கியம் படத்துக்கும் வடிவேலுவின் நாய் சேகர் ரிட்டர்ன்ஸ் படத்துக்கும் இடையே தான் போட்டியே என்றும் இந்த ஆண்டின் கடைசி பாக்ஸ் ஆபிஸ் கிளாஷாக இந்த வாரம் இருக்கும் என்றும் வடிவேலு ரசிகர்கள் கமெண்ட் போட்டு வருகின்றனர்.

இட்டிஸ் பிரசாந்த தூக்கிட்டாங்க

சினிமா விமர்சகர் இட்டிஸ் பிரசாந்த் டிக்கிலோனா, எஃப்ஐஆர் உள்ளிட்ட படங்களை தொடர்ந்து நாய் சேகர் ரிட்டர்ன்ஸ் படத்திலும் நடித்துள்ளார். இரண்டாவது பாதியில் அவரது காட்சிகளை கட் பண்ணி தூக்கிட்டாங்க.. முதல் பாதியில் கொஞ்சம் ஆர்வக் கோளாறாகவே நடித்துள்ளார் என இந்த நெட்டிசன் விமர்சித்துள்ளார்.

வடிவேலு காப்பாத்துறாரு

நீண்ட நாட்கள் கழித்து வடிவேலு நடிப்பில் உருவாகி உள்ள நாய் சேகர் ரிட்டர்ன்ஸ் படத்தின் மூலம் தலைவனை தியேட்டரில் பார்க்கவே ரொம்ப ஹாப்பியா இருக்கு.. ஒட்டுமொத்த படத்தையும் கடைசி வரை தாங்கிப் பிடித்து காப்பாத்துறாரு வடிவேலு.. குழந்தைகளுக்கு நிச்சயம் இந்த நாய் சேகர் ரிட்டர்ன்ஸ் படம் ரொம்பவே பிடிக்கும் என்பது கன்ஃபார்ம் என இந்த ரசிகர் கலவையான விமர்சனத்தை கொடுத்துள்ளார்.