இன்று... வனமகன், அன்பானவன் அடங்காதவன் அசராதவன்!

வனமகன்

ஜெயம் ரவி, சாயிஷா சைகல், பிரகாஷ் ராஜ், தம்பி ராமய்யா, வேல ராமமூர்த்தி நடித்துள்ள படம் வனமகன். திங்க் பிக் ஸ்டுடியோ சார்பில் ஏஎல் அழகப்பன் தயாரிக்க, விஜய் இயக்கியுள்ளார்.

ஹாரிஸ் ஜெயராஜ் 50

ஹாரிஸ் ஜெயராஜுக்கு இது 50 வது படம். திரு ஒளிப்பதிவு செய்துள்ளார். பழங்குடி இன மக்களின் வாழ்க்கையை அடிப்படையாகக் கொண்டு உருவாக்கப்பட்ட படம் இது.

ட்ரிபிள் ஏ

அன்பானவன் அடங்காதவன் அசராதவன் படத்தை ட்ரிபிள் ஏ என்றுதான் குறிப்பிடுகிறார்கள். படத்துக்கும் யு ஏ சான்றுதான் தந்துள்ளனர். ஆதிக் ரவிச்சந்திரன் இயக்கியுள்ள இந்தப் படத்தில் சிம்பு நாயகன்.

சிம்புவுக்கு முக்கிய படம்

சிம்புவைப் பொறுத்தவரை, பாக்ஸ் ஆபீசில் இது மிக முக்கியமான படம். நல்ல எதிர்ப்பார்ப்பும் உள்ளது. அதிரடி ஆக்ஷன் ரொமான்டிக் மசாலாவாக வந்துள்ளது. அதிக அரங்குகளிலும் வெளியாகிறது.

வெற்றி வாய்ப்பு

இரு படங்களுமே ஓரளவு எதிர்ப்பார்ப்புக்கு உரிய படங்களாகவே உள்ளன. பாகுபலியின் வீச்சும் குறைந்துள்ளது. போட்டிக்கு வேறு பெரிய படங்கள் இல்லாததால், ஆரம்ப வசூல் நன்றாக இருக்கும் என நம்புகிறார்கள்.