டயலாக் எழுதி கொடுத்தா கூட பேசுவாங்களான்னு தெரியலையே.. பிக் பாஸ் சீசன் 6ஐ வெளுத்து வாங்கிய வனிதா!

சர்ச்சைக்கு பஞ்சம்

பிக் பாஸ் நிகழ்ச்சியின் வெற்றியே அதில் கிளம்பும் புது புது சர்ச்சைகள் தான். ஆனால், கடந்த சில சீசன்களாகவே பிக் பாஸ் நிகழ்ச்சி மோசம் அடைந்து வருவதாக ஏகப்பட்ட ரசிகர்கள் மற்றும் பிரபலங்களே குற்றச்சாட்டுக்களை வைத்து வருகின்றனர். புதிதாக டாஸ்க் கூட கொடுக்க தெரியாமல் பிக் பாஸ் நிகழ்ச்சி நடத்துபவர்கள் அதே பார்த்து புளித்துப் போன கிராமம் vs நகரம், நரகம் vs சொர்க்கம், பள்ளி, கல்லூரி டிராமா என மொக்கைப் போட்டு வருகின்றனர்.

வனிதா விஜயகுமார் விளாசல்

பிக் பாஸ் சீசன் 3 மற்றும் பிக் பாஸ் அல்டிமேட் போட்டியாளரான வனிதா விஜயகுமார் யூடியூப் சேனலில் பிக் பாஸ் நிகழ்ச்சியை தொடர்ந்து விமர்சித்து வருகிறார். விமர்சிப்பதற்கு கூட ஒரு விஷயமும் நடக்க மாட்டுதே என ரொம்பவே ஆதங்கப்பட்டு சமீபத்தில் பிக் பாஸ் சீசன் 6 நிகழ்ச்சிய அவர் கழுவி ஊற்றிய வீடியோ டிரெண்டாகி வருகிறது.

ரொம்ப மொக்கை

எங்கள் வீட்டில் எல்லா நாளும் கார்த்திகை என பிக் பாஸ் போட்டியாளர்கள் விளையாடி வருவதை பார்த்தாலே எரிச்சலாக இருக்கு என பிக் பாஸ் ரசிகர்கள் கமெண்ட் அடித்து வரும் நிலையில், போட்டியாளர்கள் யாருக்குமே ஸ்டஃப் இல்லை என்றும் லாரி லாரியா கன்டென்ட் உள்ள ஆட்களை இறக்க ரசிகர்கள் ரெடியாக இருக்கும் நிலையில், விஜய் டிவி பற்றும் பனிஜை க்ரூப் தொடர்ந்து கன்டென்ட் இல்லாத போட்டியாளர்களை ஏன் உள்ளே அனுப்புகின்றனர் என கேள்வி எழுப்பி உள்ளார்.

ஸ்க்ரிப்ட் எழுதி கொடுத்தா கூட

இந்த சீசன் போட்டியாளர்களுக்கு சீன் பேப்பரோட ஸ்க்ரிப்ட் எழுதிக் கொடுத்தா கூட சரியா பண்ணுவாங்களான்னு சந்தேகமா இருக்கு என வனிதா விஜயகுமார் கடுமையாக விமர்சித்ததை கேட்ட ரசிகர்கள் அவரது கருத்தை ஆமோதித்து வருகின்றனர். சண்டை கூட ஏதோ போடணும் என்கிற பெயருக்கு ஃபேக்கா போடுறாங்க.. ரியாலிட்டியே இல்லை என பிக் பாஸ் ரசிகர்கள் இந்த சீசனை பார்ப்பதையே பெருமளவு குறைத்துக் கொண்டதாக கமெண்ட்டுகள் பறக்கின்றன.

கமல் தொடர்வாரா

மிகப்பெரிய ரியாலிட்டி ஷோ என பில்டப் செய்யப்படும் பிக் பாஸ் நிகழ்ச்சி கடந்த சில சீசன்களாக டிஆர்பியை பிடிக்கவே சிரமப்பட்டு வருகிறது. இந்நிலையில், கமல்ஹாசன் தொடர்ந்து இந்த நிகழ்ச்சியை நடத்துவாரா? என்கிற கேள்வியும் எழுந்துள்ளது. கமல் நடத்துவதால் தான் பிக் பாஸ் ஷோ அதன் ஆக்ரோஷத்தை விட்டு விட்டு உப்பு சப்பு இல்லாமல் உள்ளது என்றும் குற்றச்சாட்டுக்கள் கிளம்பி உள்ளன.