திருமாவளவன் இப்படி செய்யலாமா? விக்ரமனுக்கு ஆதரவு தெரிவித்தது தப்பு.. வனிதா விஜயகுமார் ஆதங்கம்!

மணிகண்டனுக்கு ஐஸ்வர்யா ராஜேஷ்

இந்த சீசன் பிக் பாஸ் நிகழ்ச்சியில் போட்டியாளராக நடிகை ஐஸ்வர்யா ராஜேஷின் அண்ணன் மணிகண்டன் கலந்து கொண்டார். அவருக்காக ஐஸ்வர்யா ராஜேஷ் ட்வீட் போட்டு வாக்கு சேகரித்தார். மேலும், பிக் பாஸ் வீட்டுக்குள்ளே வந்து தனது அண்ணனுக்கு ஆதரவு அளித்தார். ஆனால், மணிகண்டன் அந்த ஃப்ரீஸ் டாஸ்க் முடிந்த உடனே எலிமினேட் ஆகி வெளியேறினார்.

பிஆர் ஆதரவு

மணிகண்டனை தொடர்ந்து அசீமுக்கும் ஏகப்பட்ட பிஆர் டீம் சப்போர்ட் இருப்பதாக பேச்சுக்கள் அடிபட்டன. யூடியூப் விமர்சகரும் நடிகருமான பிரசாந்த் ரங்கசாமி அசீமுக்காக விக்ரமனை எதிர்த்து ஏகப்பட்ட ட்வீட்கள் போட ஆரம்பித்தார். அசீம் மகாத்மா என்று அவர் ட்வீட் போட அவருக்கும் ஜோ மைக்கேலுக்கும் இடையே சிறிய வாக்குவாதம் முற்றியது.

விக்ரமனுக்கு திருமா சப்போர்ட்

இந்நிலையில், அரசியல்வாதி விக்ரமனுக்கு விடுதலை சிறுத்தைகள் கட்சித் தலைவரும் எம்பியுமான திருமாவளவன் ஆதரவு அளித்திருப்பது பலரையும் ஆச்சர்யத்தில் ஆழ்த்தி உள்ளது. விக்ரமனுக்கு வாக்களித்து வெற்றிபெறச் செய்வோம் என்று வெளிப்படையாகவே திருமாவளவன் ட்வீட் போட்டுள்ளார்.

வனிதா விஜயகுமார் கேள்வி

திருமாவளவன் ட்வீட் போட்டதை பார்த்து ஷாக்கான நடிகையும் முன்னாள் பிக் பாஸ் பிரபலமுமான வனிதா விஜயகுமார் ஒரு ரியாலிட்டி ஷோவுக்காக மதிப்புக்குறிய ஒரு பெரிய அரசியல் கட்சித் தலைவரும் சிட்டிங் எம்பியுமான திருமாவளவன் எப்படி வாக்கு சேகரிக்கலாம் என கேள்வி எழுப்பி உள்ளார்.

அரசியல் விளையாட்டு

பிக் பாஸ் நிகழ்ச்சியில் மக்களை கவர்ந்து டைட்டில் வின் பண்ணுவது தான் இதுவரை கேமாக இருந்தது. ஆனால், இப்போ இது பக்கா பொலிட்டிகல் பிளேயாக மாறிவிட்டது. அவங்க கட்சிக்காரருக்கு ஆதரவா அவரு ட்வீட் போட்டு இருக்காரு என வனிதா விஜயகுமார் ட்வீட் போட்டுள்ளார்.