பிக் பாஸ் நிகழ்ச்சியில் அரசியல் கலக்கக் கூடாது.. கமலுக்கு கோரிக்கை வைத்த வனிதா விஜயகுமார்!

திருமாவளவனுக்கு கேள்வி

விடுதலை சிறுத்தைகள் கட்சியின் தலைவர் திருமாவளவன் விக்ரமன் வெல்ல வேண்டும் என்றும் அவரை வெற்றி பெறச் செய்ய வாக்களியுங்கள் என அதிரடியாக ட்வீட் போட்டது பெரும் பரபரப்பை கிளப்பி உள்ளது. வனிதா விஜயகுமார் உடனே நீங்க எப்படி ஒரு ரியாலிட்டி ஷோவில் இன்ஃப்ளூயன்ஸ் செய்யலாம் என திருமாவளவனுக்கு கேள்வி எழுப்பி உள்ளார்.

அரசியல் நுழையக்கூடாது

என் ஆழ் மனதில் இருந்து சொல்றேன். பிக் பாஸ் நிகழ்ச்சி ஒரு ரியாலிட்டி ஷோவாகவே இருக்க வேண்டும். அதில் அரசியல் ஒரு போதும் கலக்கக் கூடாது என வனிதா விஜயகுமார் தொடர்ந்து ட்வீட் போட்டு வருகிறார். மேலும், சாதாரண மனிதர் தான் மக்கள் ஆதரவுடன் இந்த நிகழ்ச்சியை வெல்ல வேண்டும் என்றும் கூறி வருகிறார்.

கமல் அனுமதிக்கக்கூடாது

பிக் பாஸ் நிகழ்ச்சியில் தேவையில்லாத அரசியல் கலப்பு இருப்பதற்கு அதன் ஹோஸ்டான கமல் சார் ஒருபோதும் அனுமதிக்கக் கூடாது என்றும் வனிதா விஜயகுமார் தனது ட்விட்டர் பக்கத்தில் கோரிக்கை வைத்துள்ளார். அடுத்த சீசனில் அரசியல் சார்புடைய போட்டியாளர்கள் பங்கேற்றால் அவர் தான் வின்னர் என ஆரம்பத்திலேயே தெரிந்து விடும் என்றும் விளையாட்டின் சுவாரஸ்யமே போய்விடும் என்றும் நெட்டிசன்கள் கமெண்ட் போட்டு வருகின்றனர்.

டைட்டில் யாருக்கு

அசீம் மற்றும் விக்ரமன் இருவரில் யார் டைட்டிலை தட்டிச் செல்லப் போகிறார் என பெரும் போட்டியே சோஷியல் மீடியாவில் கிளம்பி உள்ளது. இருவருக்கும் டைட்டில் வேண்டாம் ஷிவினுக்கு கொடுங்க என்றும் நமீதா மாரிமுத்து உள்ளிட்டோர் வீடியோ வெளியிட்டுள்ளனர். விஜய் டிவி அமுதவாணனுக்கு டைட்டிலை கடைசியில் கொடுக்கப் போகுது என்றும் கமெண்ட்டுகள் பறக்கின்றன. இந்த வாரம் சனிக்கிழமை ஷூட்டிங் முடிந்த உடனே யார் வின்னர் என்பது தெரிந்து விடும்.