ரஜினி சார் உடன் விஜய் அண்ணாவை கம்பேரே பண்ணக் கூடாது.. வாரிசு நடிகர் ஷாம் அதிரடி கருத்து!

நாளை ரிலீஸ்

விஜய், ராஷ்மிகா மந்தனா, ஷாம், சரத்குமார், பிரகாஷ் ராஜ், ஜெயசுதா, ஸ்ரீகாந்த், சம்யுக்தா, சங்கீதா, சதீஷ், யோகி பாபு, பிரபு, குஷ்பு மற்றும் எஸ்.ஜே. சூர்யா என நட்சத்திர பட்டாளமே நடித்துள்ள வாரிசு திரைப்படம் நாளை அதிகாலை 4 மணி முதல் உலகம் முழுவதும் வெளியாகிறது. வாரிசு படத்தின் டிக்கெட் கிடைக்காமல் ரசிகர்கள் எவ்வளவு காசு கொடுத்து வேண்டுமானாலும் டிக்கெட் வாங்க ரெடியாகி வருகின்றனர்.

2000 ரூபாய் வரை

வாரிசு மற்றும் துணிவு என இரு திரைப்படங்களும் முதல் நாள் கலெக்‌ஷனை வாரிக் குவிக்க பிளான் செய்துள்ளன. 200 ரூபாய் விற்க வேண்டிய டிக்கெட் விலை 1000, 1200, 1500 மற்றும் அதிகபட்சமாக சில இடங்களில் 2000 ரூபாய் வரை விற்கப்படுவதாக கூறுகின்றனர். அதிக விலைக்கு வாங்க ரசிகர்கள் இருந்தாலும், முதல் நாள் முதல் காட்சிக்கு டிக்கெட்டுகள் கிடைப்பதில் சிக்கல் நிலவுகிறது.

சூப்பர்ஸ்டார் சர்ச்சை

வாரிசு படத்தின் இசை வெளியீட்டு விழாவில் நடிகர் சரத்குமார் விஜய்யை சூப்பர்ஸ்டார் என பேசியதற்கு கடும் எதிர்ப்புகள் கிளம்பின. பிஸ்மி ஒரு படி மேலே சென்று நடிகர் ரஜினிகாந்தை முன்னாள் சூப்பர் ஸ்டார் என பேசி வாங்கிக் கட்டிக் கொண்டார். இந்நிலையில், சூப்பர்ஸ்டார் சர்ச்சை குறித்து நடிகர் ஷாம் பேசிய வீடியோ பலரது கவனத்தையும் ஈர்த்துள்ளது.

ரஜினி சார் லெஜண்ட்

ரஜினி சார் தான் சூப்பர் ஸ்டார். ரஜினிகாந்த், கமல் சார் எல்லாம் லெஜண்ட்ஸ். அவங்க இத்தனை வருஷம் தமிழ் சினிமாவுக்காக எத்தனையோ சாதனைகளை செஞ்சிருக்காங்க.. அவங்களோட லெவலே வேறு, அவர்களுடன் மற்ற நடிகர்களை கம்பேர் செய்வது தவறான விஷயம்னு நான் நினைக்கிறேன் என ஷாம் பேசி உள்ளார்.

கம்பேர் பண்ணக் கூடாது

ரஜினி சாரையும் விஜய் அண்ணாவையும் கம்பேர் செய்வதே தவறு. ரஜினிகாந்த் சாருக்கு உண்டான மரியாதையை ரசிகர்களாக இருக்கட்டும் திரைத்துறையினராக இருக்கட்டும் அனைவரும் கொடுக்கணும் என ஷாம் பேசி உள்ளார்.

இருவருக்கும் ஃபேன் பேஸ்

ரஜினிகாந்த், கமலை விட்டுட்டு பார்த்தோம் என்றால் இப்போதைக்கு இருக்கிற சூழலில் விஜய் அண்ணாவுக்கும் அஜித் சாருக்கும் பெரிய ஃபேன் பேஸ் இருக்கு.. இருவரையுமே சூப்பர் ஸ்டார்னு சொல்ல முடியாது. ப்ரிவியஸ் ஃபிலிம்ஸ் ரெக்கார்டு, பாக்ஸ் ஆபிஸ் கலெக்‌ஷன் வச்சுத்தான் பேசுறாங்க.. அதனால் ரஜினி சாரோட கம்பேர் பண்றது சரியானது கிடையாது என ஷாம் அழுத்தம் திருத்தமாக பேசி உள்ளார்.