வாரிசா..? துணிவா..? இந்த காரணத்திற்காக இரண்டு படத்தையும் அவசியம் பாருங்க!

ரசிகர்களுக்கு பொங்கல் ட்ரீட்

இந்த பொங்கல் பண்டிகை விஜய் மற்றும் அஜித் என இரு ரசிகர்களுக்கும் மிகப்பெரிய விருந்தாக அமைந்துள்ளது. இயக்குனர் எச்.வினோத் இயக்கிய துணிவு ஜனவரி 11ம் தேதியும், விஜய்யின் வாரிசு படம் ஜனவரி 12ம் தேதியும் வெளியாகிறது. ஒரே நாளில் டிக்கெட்டுக்காக அலையாமல் மக்கள் வெவ்வேறு நாட்களில் இந்தப் படங்களைப் பார்க்கலாம். இதுவே ரசிகர்களுக்கு டபுள் ட்ரீட் தான்.

இரண்டும் வேற வேற கதை

துணிவு படத்தின் டிரைலரை பார்க்கும் போது, இது ஒரு அதிரடியான திரைப்படமாக உள்ளது. வங்கிக்குள் ஒரு கும்பல் புகுந்து பணத்தை கொள்ளையடிக்கிறது. அதே போல விஜய்யின் வாரிசு படம் மல்டி ஸ்டார் திரைப்படமாகும். அதில், சரத்குமார், பிரகாஷ் ராஜ், ஷ்யாம், எஸ்ஜே சூர்யா, குஷ்பு என பலர் நடித்துள்ளனர். இந்த படம் குடும்ப உறவுகளை பற்றிய ஒரு உணர்ச்சிகரமான கதை அம்சத்தை கொண்ட படமாகும்.

வாரிசுல காதல்..துணிவு அதிரடி

துணிவு படத்தை பொறுத்தவரை இப்படத்தில் அஜித்திற்கு ஜோடி இல்லை. மஞ்சு வாரியர் அஜித்துடன் இணைந்து நடித்திருந்தாலும், காதலும் இல்லை, ரொமான்சும் இல்லை இதுதான் எச் வினோத்தின் தனி ஸ்டைல். ஆனால்,வாரிசு படத்தில் நம்ம நேஷ்னல் க்ரஷ் ராஷ்மிகாவுடன் ரொமான்ஸ் , காதல், டூயட் என அனைத்தும் கலந்த ஒரு கமர்ஷியல் படம்.

பாட்டும் டான்சும் சூப்பர்

விஜய் படத்தில் எப்போதும் பாட்டும், டான்சும் அசத்தலாகவே இருக்கும் அதே போல வாரிசு படத்தில் ரஞ்சிதமே ரஞ்சிதமே, தீ தளபதி, அம்மா பாடல் என அனைத்தும் பட்டிதொட்டி எங்கும் ஹிட்டடித்து விட்டது. அதே போல ரஞ்சிதமே பாடலுக்கு விஜய் போட்ட ஆட்டமும் சூப்பர். அஜித்தின் துணிவு படத்தில் ஜிப்ரானின் இசையில் சில்லா சில்லா, காசேதான் கடவுளடா, கேங்ஸ்டரா பாடல்கள் பட்டையை கிளப்பியது. அதுவே இந்தப் படங்களை பார்க்க முக்கியமான காரணமாக உள்ளது.

இயக்குநர்களின் டச்

வாரிசு என்பது தெலுங்கு இயக்குனர் வம்ஷி படைப்பள்ளியின் முதல் தமிழ் படம், இது எப்படி இருக்கும் என்று பார்க்க பலர் ஆர்வமாக உள்ளனர். அவர் தனக்கென தனித்துவமான ஸ்டைலை வைத்துள்ளார். மகேஷ் பாபுவின் மகரிஷி படத்திற்கு பிறகு விஜய்யுடன் இணைந்துள்ளார். இயக்குநர் எச்.வினோத்தின் வித்தியாசமான பார்வைக்கு துணிவு தீணிப்போடும் படமாக உள்ளது. இரண்டு படங்களுமே வெவ்வேறு ஜானர்... வெவ்வேறு கதைக்களம்.