காதலியை கரம் பிடிக்கிறார்.. வரும் 24 ஆம் தேதி பிரபல ஹீரோ திருமணம்.. உறுதி செய்த நடிகர்!

நடாஷா தலால்

ஸ்டூடண்ட் ஆப் த இயர் படம் மூலம் ஹீரோவான அவர், தொடர்ந்து பட்லாபூர், ஏபிசிடி 2, தில்வாலே, ஸ்ட்ரீட் டான்ஸர் உட்பட பல படங்களில் நடித்துள்ளார். இவர், ஃபேஷன் டிசைனரான நடாஷா தலாலை பல ஆண்டுகளாகக் காதலித்து வருகிறார். இது பள்ளியில் படிக்கும்போதே ஆரம்பித்த காதலாம்.

தள்ளிப் போனது

இவர்களுக்கு கடந்த ஆண்டே திருமணம் என்று தகவல் வெளியானது. ஆனால் கொரோனா காரணமாக திருமணம் தள்ளிப் போனது. இந்நிலையில் இந்த மாதம் 24 ஆம் தேதி இவர்கள் திருமணம் நடக்கப் போவதாக செய்திகள் வெளியாயின. இந்நிலையில், இந்தச் செய்தியை வருண் தாவனின் சித்தப்பாவும் நடிகருமான அனில் தாவன் உறுதிப்படுத்தி உள்ளார்.

நடிகர் ஷாரூக் கான்

தெற்கு மும்பையில் உள்ள அலிபாக்கில் இவர்கள் திருமணம் நடக்கிறது. கொரோனா காலம் என்பதால் 50 பேருக்கு மட்டும் அழைப்பு விடுக்கப்பட்டுள்ளது. ஷாரூக் கான், சல்மான் கான், கரண் ஜோஹர் உட்பட பாலிவுட் பிரபலங்கள் கலந்து கொள்வார்கள் என்று கூறப்படுகிறது.

திருமண உடை

இந்து முறைப்படி நடக்கும் இந்த திருமணம், நாளை முதல் மூன்று நாட்கள் நடக்க இருக்கிறது. தன் திருமண உடையை நடாஷாவே டிசைன் செய்திருக்கிறாராம். வருண் இப்போது ஜக் ஜக் ஜீயோ என்ற படத்தில் நடித்து வருகிறார். இதன் ஷூட்டிங்கில் சிலருக்கு கொரோனா பரவியதை அடுத்து படப்பிடிப்பு தடைபட்டது.