'வேலைக்காரன்' படத்தின் சர்ப்ரைஸ் தகவலை வெளியிட்ட அனிருத்!

2 இன் 1 சர்ப்ரைஸ்

'வேலைக்காரன்' படத்தின் 2 இன் 1 சர்ப்ரைஸ் இன்று மாலை அறிவிக்கப்படும் என சோனி மியூசிக் நிறுவனம் ட்வீட் செய்திருந்தது. அந்த அறிவிப்பால் சிவகார்த்திகேயன் ரசிகர்கள் உற்சாகமானார்கள். என்ன அறிவிப்பாக இருக்கும் என அந்த ட்வீட்டுக்கு ரிப்ளை செய்து வந்தனர்.

சர்ப்ரைஸ் வெளியானது

இந்நிலையில், 'வேலைக்காரன்' படத்தின் சர்ப்ரைஸ் வெளியானது. இந்த சர்ப்ரைஸை இசையமைப்பாளர் அனிருத் வெளியிட்டுள்ளார். அதன்படி, 'வேலைக்காரன்' படத்தின் இரண்டாவது சிங்கிள் ட்ராக் நவம்பர் 2-ம் தேதி வெளியிடப்படுகிறது.

நன்றி தெரிவித்த அனிருத்

' 'கருத்தவன்லாம் கலீஜாம்...' பாடலை பெரிய ஹிட்டாக்கியதற்கு நன்றி. அந்தப் பாடலுக்கு உலகம் முழுவதும் நூற்றுக்கணக்கான கவர் வீடியோக்களும், டான்ஸ் வீடியோக்களும் பண்ணி வெளியிட்டிருக்காங்க... எல்லோருக்கும் நன்றி' எனக் கூறியிருக்கிறார் அனிருத்.

இறைவா + உயிரே பாடல்

'இறைவா மற்றும் உயிரே என ஒரே பாடலில் இரண்டு எமோஷன்களை வைத்து உருவாகியிருக்கிறோம். ஒன்று வாழ்க்கையையும், மற்றொன்று காதலைப் பற்றியும் இருக்கும். இது எங்களுக்கு வித்தியாசமான அனுபவமாக இருந்தது. நவம்பர் இரண்டாம் தேதி இரண்டாவது பாடல் வெளியாகும்' எனக் கூறியிருக்கிறார் அனிருத்.