Vendhu Thanindhathu Kaadu Box Office Prediction: வெந்து தணிந்தது காடு வசூல் எப்படி இருக்கும்?

பாசிட்டிவ் விமர்சனங்கள்

இயக்குநர் கெளதம் மேனன் இயக்கத்தில் சிம்பு, சித்தி இத்னானி, ராதிகா சரத்குமார் உள்ளிட்ட பலர் நடிப்பில் இன்று வெளியாகி உள்ள வெந்து தணிந்தது காடு படத்திற்கு ஏ.ஆர். ரஹ்மான் இசையமைத்துள்ளார். முத்து எனும் கதாபாத்திரத்தில் சாதாரண பரோட்டா கடையில் வேலை பார்க்கும் நடிகர் சிம்பு எப்படி கேங்ஸ்டராகி டான் ஆகிறான் என்பது தான் படத்தின் கதை.

விண்ணைத் தாண்டி வருவாயா படத்திலேயே

வெந்து தணிந்தது காடு படத்தின் கதையை விண்ணைத் தாண்டி வருவாயா படத்திலேயே கெளதம் மேனன் சிம்பு பேசும் வசனமாக வைத்து விட்டார் என இந்த கதை அஜித் சாருக்குத் தான் செட்டாகும், அவன் எப்படி சாதாரண ஆளாக வந்து கேங்ஸ்டராகி பில்லாவாகி டான் ஆகிறான் என ஒரு கதை சொல்வாரே அதே கதையைத் தான் தற்போது படமாக எடுத்து வைத்துள்ளார் என ரசிகர்கள் அந்த காட்சியை ஷேர் செய்து வருகின்றனர்.

அதிகாலையே 200 காட்சிகள்

பெரும்பாலும் ஒரு சில முக்கிய திரையரங்குகளில் மட்டும் தான் முன்னணி ஹீரோக்களுக்கு அதிகாலையில் 5 மணிக்கு சிறப்பு காட்சி வெளியிடப்படும். சிம்புவின் வெந்து தணிந்தது காடு படத்திற்கு அதிகாலையிலேயே 200 காட்சிகள் திரையிடப்பட்டு தியேட்டர்கள் எல்லாம் திருவிழாக் கோலம் பூண்டுள்ளது. பாசிட்டிவ் விமர்சனங்களால் அடுத்த அடுத்த காட்சிகளும் மின்னல் வேகத்தில் புக் ஆகி வருகின்றன.

பாக்ஸ் ஆபிஸ் கணிப்பு

1.79 லட்சம் டிக்கெட்டுகள் 3.39 கோடி மதிப்புக்கு அட்வான்ஸ் புக்கிங்காகவே புக் ஆன நிலையில், சிம்புவின் வெந்து தணிந்தது காடு திரைப்படம் முதல் நாளில் தமிழ்நாட்டில் மட்டும் 10 முதல் 12 கோடி வரை மிகப்பெரிய பாக்ஸ் ஆபிஸ் ஓப்பனிங்கை நிகழ்த்தும் என எதிர்பார்க்கப்படுகிறது. படத்தின் மொத்த பட்ஜெட்டே 30 கோடி ரூபாய் தான் என தகவல்கள் வெளியாகி உள்ள நிலையில், முதல் வாரத்திலேயே மிகப்பெரிய வசூல் வேட்டையை படம் நிகழ்த்தும் என்பது கன்ஃபார்ம்.